| الاهــداءات |
| |||||||
| ::ديوان الشعر:: .نتَوَهَّجُ لَآَلِئ الْأَبْيَات وَنَفَحَات الْشِعَر بِصُوْتٍ يَشُدُوا بِقَنَادِيْل الْنَبَطِيَّة وَالْعَامِيَّة |
 |
| | أدوات الموضوع | إبحث في الموضوع |
08-17-2011, 10:30 AM
| ||||||||
| ||||||||
مانيب ناسي قصة .. ابن فطيس
مانيب ناسي قصةٍ صـارت وانـا ازورالقبـور ....................... لازلـت افكـر فـي غرابتهـا وبالـي تشغلـه ساعة ظهر لي شايبٍ له حول قرنيـن محجـور ....................... في جوف قبرٍ عن هـل الدنيـا طـواه ويعزلـه سلــّــم وجا صوبي يقول : ابنشـدك ياللـي تـزور ....................... عن حالة الدنيا وعن وضع الزمان وعـن هلـه أنا مضى وقتي ومـرّت بـي طويـلات الدهـور ....................... والباقـي بعمـري بعيشـه بينكـم واستكملـه قلت : الزمان اللي يبارينا علـى خبـرك يـدور ....................... الوقت نفسـه مـا تغيّـر ماشـيٍ فـي جدولـه أما البشر , , , لا والله الاّ غير من حد الجـذور ....................... صار انتقالٍ مـن يميـن الـى يسـار المنقلـه استغرب الشايب من اللي قلـت وبليّـا شعـور ....................... حط اليمين على الشمال وخاطـره فيـه اسئلـه قال : أفــتـــنــي عن حالة الشيبان والشيـخ الوقـور ....................... أهل الخبر والراي والحكمـه وضـرب الأمثلـه القدوه اصحاب الأمور اللي تطـاع بكـل شـور ....................... اللـي يفضّـون النـزاع ويحكمـون المشكلـه قلت : البعض منهم على ما قلت في وصفك وقور ....................... قدوه ولكن رايهـم مـا ينفـرض فـي مسألـه الطاعه العميـا بقـا منهـا مجاملـة الحضـور ....................... اللـي تلاقيهـا مـع اوّل فـرصـةٍ متنصّـلـه والبعض لا عبـدٍ يخـاف الله ولا عبـدٍ شكـور ....................... لا زهّـده شيبـه مـن الدنيـا ولا هـو جمّلـه بهيمةٍ يرجـع علـى منحـاه الاوّل ومحصـور ....................... فـي لعـب بيلوتـه وريـح زقارتـه ومعسّلـه والبعض الآخر شابت رموشه على درب الفجـور ....................... ينقـل جـوازه للسفـر مـن مزبلـه لا مزبلـه أشيمطٍ زانـي قضـى عمـره بحانـات الخمـور ....................... والعايلـه ورعٍ يغـرّر بـه وبـنـت مهمّـلـه قال : افتني عن حالة الخفـرات ربّـات الخـدور ....................... اللي تصـان بـبيـت عايلهـا و بابـه تقفلـه شيهانةٍ تشمخ عفاف وتصقـل فـروخ الصقـور ....................... بين الفريق بـبشتهـا الضافـي وتـوبٍ تسبلـه قلت : العـذارى فـي زمنّـا ببغـاوات الطيـور ....................... تقليد هرج و عرض ريـشٍ خلفهـا تستخملـه تلبس عباةٍ ضيّقـت حـول الردايـف والخصـور ....................... فضيحةٍ تكشف جسدها مـن علـوّه لأسفلـه وموضة شيالٍ تكشف الوجنات والـوان الشعـور ....................... والمحـرم تبـدّل بـجـوالٍ بيـدهـا تحمـلـه لا فوّحت صفر الدلال ولا عرفت غـش القـدور ....................... تطبـخ لـهـا خـدّامـةٍ بالعايـلـه متوكـلـه الأم ما صانت عفاف البنت من عمـر الزهـور ....................... والأب ملعون تحكـمـه حـرمـةٍ مسترجـلـه وشلـون يتربّـى عيـال ام التبـرّج والسفـور ....................... الاّ خنـازيـرٍ دمـاهـا بــارده ومغـفّـلـه قال : افتني بحال الشباب الصلب صيّـاد النمـور ....................... الفـارس اللـي ينطـح خصومـه بزنـدٍ يفتلـه الوافي الشهم الغيور اللي لعرض الجـار سـور ....................... البار عند امّـه وابـوه وعلـم ربعـه يشغلـه قلت : الشباب بوقتنا وجهه مثـل بـدر البـدور ....................... والجسم من زود الرخا ما تنفتـل فيـه عضلـه قصّـة شعـورٍ صيّرتهـم لا إنـاث ولا ذكـور ....................... والثـوب راح ولا بقـى الاّ عـالـمٍ متبنطـلـه ناسٍ ( فلنتينو ) وناسٍ تلبـس ( كرستانديـور ) ....................... صار التنافـس بينهـم فـي لبسهـم والجنتلـه من كان يشرب من قرار البير مشروبه ( بيور ) ....................... والبل راعيها غدا يشـرب حليـب ( النستلـه ) مامنهم اللي قام دون اعـراض جيرانـه غيـور ....................... من قام قالو , , وشـملقّف حضرته ؟ وشـدخّله والوالدين حقوقهم ضاعت وعنهـم فـي نفـور ....................... ان غـاب عنهـم لا تذكرهـم ولا جـاه الولـه بدّا عليهم شلّـةٍ تهـوى الوطـا بيـن الجحـور ....................... لو تعزله عنهم تبـي لـه شـان كنّـك تقتلـه ما راح يوم يشارك ربوعه بحـزن ولا سـرور ....................... حتى ابن عمّه يعرفه بالوجـه واسمـه يجهلـه بدّل حكاه وضيّـع سلومـه وحالـه فـي دبـور ....................... وان شاف ضيف يخش حتى انّه يفـارق منزلـه ناظر لي الشايب بعينٍ تجمـع السبـع البحـور ....................... يقول : انا لا يمكـن ادخـل مجتمعكـم واقبلـه انتو لكم وقتٍ تصـدّع مـن بلاويـه الصخـور ....................... ما يقعد الجمّال به ساعـه ولـو ضـاع جملـه وسلامتكم .. للمزيد من مواضيعي
الموضوع الأصلي : مانيب ناسي قصة .. ابن فطيس
-||-
المصدر : منتديات ريقك عسل
-||-
الكاتب : {الليدي REEMA }  |
|
08-17-2011, 10:57 AM
| #4 (permalink) | |
  
 |
ابن فطيس غني عن التعريف كل الشكر على الابيات الرائعه كـ: روعة وجودك .. ولايحرمنا منك مودتي لك | |
 ابدع في موضوعاتك ، واحسن في ردودك لا يغرك فهمك ، ولا يهينك جهلك المنتدى للجميع فتصرف كصاحب منتدى وليس كضيف متثاقل لاتقدم المساعدة وانت تنتظر مقابل لذلك ، الدعاء الصادق يغنيك قبل ان تعمل اي شيء تذكر ان الله عز وجل يراك تذكر ان عدد مواضيعك ومشاركاتك ليس هو الدليل على نجاحك بل مواضيعك المتميزة و ردودك واخلاقك الرفيعه ,,,, .. ~||~ لستفساراتكم و مشاكلكم والرجاء مراسلتنا  |
|
08-18-2011, 01:35 PM
| #9 (permalink) | |
 | الله يعافيج منوره | |
| { أناَ ليْ قلبُ ...* ماَ يحُــقـَـدْ.., و لاَ يحُسَد.., و لاَ يغَـــتُـــاَبـ.ْ . لإنْ النَاسْ مَن تُخطيْ لهاَربٍ يجُاَزيـــٌــهـاَ. . ولاَ اندُمْ علَىْ البَايـُعْ* ولاَ احُــزَنْ عـُـلىْ اللَعــُـاَبـ.ْ . وناَس ٍ ماَتقُـــدرَنيْ أطنَــشُهاَ.. واجُاَفيـهُـــــُـاَ ... } (●̮̮̃•̃) |
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | إبحث في الموضوع |
| |
