رواية وطتّ رجليّ علىً دربه و لآآإ آإدريّ وشّ نؤوى فيني .!

01-25-2012, 03:30 PM

البارت الـ 165

سيف : تبين تطلقين ؟

مهره تطالعه : هيه . .

سيف : من قلبج

مهره : من كل قلبي

سيف يطالعها : مهور شصارلج . .

مهره : شصارلي ؟ الي صارلي اني ماقدر اتحمل اكثر

سيف : دخلي داخل يالله

مهره : ماراح ادخل . . خلنا ننهيها اهني

سيف : روحي دشي داخل قلتلج . . يالله فديتج

مهره : لاترممممممممسني بهالنبره

سيف يطالعها : طلاق ما راح اطلق

مهره تطالعه : وليش؟ عايبنك الي تسويه ؟ تتلذذ فيه

سيف : هيه حبيبي . . عايبني وايد . . يالله دشي داخل . .

اطالعته بنظرات وراحت عنه دشت داخل . . لحقها بس سكرت اللفت وراحت روحها . .

دخلت الشقه وهيه تطالع زاويه زاويه . .

في هالمكان بالضبط .!!!!

>

<

سيف : جؤوفي مهره . . انا عارف من عنود انج مغصؤبه عليه . . وانتي عارفه من عنود بعد اني مغصوب عليج . . اني احبج وانج تحبيني هذا شي بحد ذاته مستحيييييييل . . مستحيل اني احبج ومستحيل انج تحبيني . . مستحيل اني اتقبلج ومستحيل انج انتي بعد تتقبليني . . زواجنا عشآن ابوي جبرني و انا ماتعودت اقوله لا وابوي كبير ما ابي له يصير مثل ما صار في عمي . . وبعدين انا احب وحده وابوي مارضى اني ازوجها . . علشان امايا كانت مرمسه امج بدون شوري حزتها . . وقالي ابوي تاخذ الي امك اختارتها و عقب كيفك جان بتاخذ عليها الي تباها . .

مهره تقاطعه : لاا تكمل . . اعرف الي بتقوله شوو . .

سيف : لا بكمل . . ولا تقاطعيني . . ادري انج تعرفين . . لكن ما تعرفين كل شي . .

مهره تتافف بشويش وفي خاطرها " كمل يا مال الدحق " . .

سيف : راح نعيش شرات الاخوان . . او خليني اقول شرات الربع . . يعني الي تبيين تسوينه سويه انا مالي علاقه فيج . .

تقاطعه مهره بهدوء : شو قصدك ؟

سيف : لا تفهميني غلط . .انا اعرف انج متربيه عدل وانج مش راعيه حركات . . الي اقصده . . اطلعي وردي واستانسي ويا ربيعاتج ع راااااحت راحتج ما بقولج لا ولا تاخذين حتى شوري . . ارقدي نشي اسهري اظهري كلي الي تبيييينه ويخطر عبالج وما سويتيه في بيتكم سويه عندي . . وانا بالمثل طبعا . . ما ابيج تدخلين فـ ولا شي يخصني . . ولا حتى تحشرين نفسج فيه . . من البدايه خلينا نتفق . . رااح تشوفيني اكلم الي احبها لين ما نكمل فتره ع الاقل كم شهر وعقب اروح اخطبها . .

مهره بدون اهتمام : سو الي تبيه . . موافقتي يت لان ابوي ما راح يخليني اكمل دراستي فـ الجامعه لو ما تزوجتك . . وما راح يخلوني اتزوج بالاساس لو ما وافقت عليك انت بالذات . . امي ربيعت امك الروح بالروح . . و صاحت عندي امي اني لو ما وافقت بتخسر صداقتها الي من 40 سنه ويا امك . . ويوم طولت فالتفكير ياني ابوي معصب ويهددني لو ماوافقت راح ايلس فالبيت طول عمري لا دراسه لا جامعه ولا شغل . .

سيف مبتسم : يعني اتفقنا . .

مهره : اتفقنا . .

سيف : صح نسيت شغله . . راح نمثل جدام الاهل . .

تقاطعه مهره : ان نحن عايشين قصه حب ومستانسين وحياتنا ولا اروؤؤع . .

سيف : ايوووا . . عليج نور . . ويوم بتزوج الي احبها العذر بيكوون . .

تقاطعه : اني ما اييب عيال وحرام انت تظلم نفسك . .

سيف ابتسم ويطالعها وهو يسوق : عفيه عليج . .

ابتسمت بدون نفس . .

.>

<

دش سيف وشافها تطالع المكان . .

طنشته وكملت مشيها لين صوب المطبخ . .

>

<

سيف بآلم مغمض عينه :آآآآآآآآآآه . . .

مهره مرتبكه : ويت ويت شوي . .

تبي تلم الزجاج المنكسر عشان تروم تقعد مجابلته . . ومن غير ما تحسس صرخت

مهره : آآآآي . .

سيف يطالعها ويشوف ايدينها كلها دم . .

سيف : اطاعو الغبيه بس .. يايه اداويني جرحت روحها . . احين بتداويني ولا بداوين روحج ؟

مهره تطالعه : ان شاء الله اقعد ع الهوى واداوي ايدك ؟

سيف : لا قعدي ع راسي . .

يحاول يطلع الزجاجه من ريله وهزبته وضربته بخفيف ع جتفه بايدها الي ما انجرحت . .

مهره : اتريا لا تسوي شي بروح وبرد . .

سارت غسلت ايدها بمآي بآرد و حطت عليه لززق . . ودورت شي تلم فيه الزجاج وحصلت . .

لمت الزجاج بسرعه بالمكنسه . .

ويلست قباله طلعت الزجاج بحذر وهو يتألم بقوه . .

على طول عقب ما طلعت الزجاجه عقمت ريله بـ سبيترو وصرخ اكثر لانه حرقه . .

سيف : انتقمي انتقمي مني . .

مهره ابتسمت : لو بنتقم جان دخلت الزجاجه ما طلعتها . .

سيف يبلل شفاته بتعب : خلصتي ؟

مهره : شوي بس . .

لفت ريوله بشاش خفيف . . وثبتته . .

مهره : احين خلصت !

سيف : انزين كملي معروؤفج وساعديني اقوؤؤم . .

>

<

ابتسمت بحسره . . . ومشت صوب حجرتها وبطلت الباب . .

بطل الباب بكل قوه : انتي ايييييييه . . اعنبوووه صوتج وصل لين اخر ششقه . .

مهره حطت ايدها ع حلجها وبصوت واطي : انا كنت ارمس بصوت عالي شووو ..

سيف عاقد حياته : بصوت عالي؟ كنتي تصاارخين . . ليش محتره احين شفيج منطره . .قلنا لج بنعيش جنه اخوان . . جنه اصدقاء . . لحقتي تغارييين؟؟؟

مهره توقف ع السرير : شو شو ششششششششششو ؟ اغااار على منو يا حظي . . " تسوي مالت عليه " مااالت بس مالت . . من زييينك ولا من حلاتك ولا من ششو . .

سيف مبتسسم : كل هالحلا ومش عايبنج . .

مهره : يا عمممممي طيير . . اذا انت من برع اونك اونك اونك " باستهزاء " اونك جميل . . تراك من داخل تلووع الجبد . .

سيف : ولييش الوع بالجبد ان ششاء الله ؟ لاني احب ؟

مهره : يااااااخي حب لين تنقع . . لازم تسمعني . . ماتعرف تحب بالسايلنت . . لازم تخليني اجز منك اكثر من ما انا جاااززززه . .

سيف : انتي نسيتي اتفاقيتنا ششو . .

مهره تتنهد وترد تقعد ع السرير : ماا نسسيت شي . .

سيف : خلاص عييل . . قلتلج انا برمس الي احبها جدامج ولا من وراج . . شي راجع لي . .وقلتلج شي يخصني بليز بليز بليز لا تدخلين فيه اوكي ؟ لاني جد مش ناقصنج انتي بعد . . واذا مره ما عيبج الوضع ترا الطلاق انتي تعرفين شو نتايجه . .

مهره تغمض عينها بقهر " الله يسامح اهلي الي كانو السسبب في الي انا فيه "

سيف بهدوء : عيشي حياتج مثل ما تبين . . لا تحرقين عمرج فيني . . راح تكملين دراستج فالجامعه عقب اسبوعين . . وراح تشتغلين عقبها لو تبين . . وراح اتمين تطلعين وتسيرين وتردين بلا شور . . كل شي ع راحتج شو تبين اكثر عن جي . .

مهره تطالعه بتعب : اطلب برع وسكر الباب . .

سيف : موووووووووووول ما عندج اسلوب تفاهم . .

مهره وهي تعطس : اطلع دخيلك . . ولا تدخل علي مره 2 جيي الا اذاآآ سمحت لك . .

سيف : ما تبين تروحين العياده . .

مهره : معاك ؟. ما ابي اروح مكان . .

سيف : انزين بطلب لج سياره توديج . .

مهره تطالع ساعتها " 3 ونص " ونعم الريال والله . .

مهره : ادخيلك مابيك اطيح من عيني اكثر عن جي . . اطلع وسكر الباب وراك . .

سيف يقعد ع الكرسي الي مجابلنها : مهره . . اسمعيني . .

مهره : اسمع شو ولا شو . . انته الحين ليش قاعد تغصص بي . . اطلع فكني من حشرتك ..

سيف : بس فكري فيها . . انا ما سويتلج شي . . والي تشوفينه تراج وافقتي عليه في البداية . . " ابتسم " لو بغيتي شي دقي علي باب الغرفه . .

وطلع من عندها . . وسكر الباب

مهره تصفق :طيب طيب . . ماشاء الله الطيبة تنبع منك . .

>

<

<

ابتسمت ويلست على سريرها وهيه تطالعه وتسرح فيه . .

>

<

>

يدق الباب . .

مهره بتعب تقوم وتفتح له الباب . .

شاف ويهها بكبره دمووع . . . بلع ريجه بحسره . . شو سويت فيها انا . . شو سويت . . .!!

سسحبها صووبه بسرعه وحظنها . . . ما توقع ردة فعلها انها تصيح اكثر . .. كان يربت عـ جتفها ويهديها . .

سيف : والله اسسف . . والله ماكررها ..

مهره وهيه تشهق : انت مآ قلت كل واحد فينا يتصرف ع كيفه . . ليييش تحااسبني ليش ؟؟؟ شل ايدك من مسسوؤؤليتي وخلاص . . لا تعذبني وياك دخيلك . . انا مش ناقصه . . انا طالعه من بيتنا معززه مكرمه . . لا تذلني عندك . . .

سيف : خلاص يا اميه خلاص . . " يجابل ويهها . . ويمسح دموعها " يختي ع الكتكوت . .

ابتسمت غصب . . وفخاطرها شوي وبتصفعه . .

سيف انجبر يبتسم ما يعرف ليش . . بس حس ان الوضع حلو . .

سيف : شو تبين تسوين فيني . . كيف تبين تتقمين مني ؟؟؟

مهره تطالعه بنظره تخوف : اضربك ضرب اليهد . .

سيف يرجع ريوس : ووووووووووعثره . .

مهره تبتسم : مابا منك شي . .

سيف : لا والله ما يصييير . .. هااا " يقعد ع سريرها ويغمض عينه " بكبري بين ايدينج . . سوي فيني الي تسوينه والله والله وانا احلف ما اتحرك من مكاني . . ولا اوقفج وامنعج . .

مهره عاقده حياتها : متاكد ؟

سيف يحط ايده ع شواربه : وهااي الششوارب ها . .

مهره مبتسمه : اوووكي . ..

تمت تراقبه وهي تمشي شوي بعيد . . . سارت يابت لها جحال . .

سارت صوبه وتم يحس بلمسات ايدها . . . مبتسم لا شعوريا . .

>> ايدها دافيه . . وناعمة . . وحنوؤؤنه . . . ووووو . . بس بس شفيني قاعد اتمدح فيها . . مادري شو يالسه تخبص ع ويهي وامدحها . .

سيف : هااا ابطل عيني ؟؟

مهره :لاااااااا ..!! بعدني ما سويت شي اصلا . . .

وسارت عنه . . شلت لها ورقة وقلم وكتبت عليهم كم شي . .. وحطته حذاله . . .

تمت تفكر شو تسوي بعد . . كيف تبري غليلها منه . . .

ما حسسست الا وهي هاااجمه ع شعره وتكششه وتيره بالقووووو . . .

سيف منصصصعق : آآآآآآآآآآآآآآآآآآآآآآآآآآآآآآآآآآآآآآآآآآآآآآآآيي يييييييييييييييييي

مهره تمط وتمط وتنتفه وترفعه يمين ويسار . . فوق وتحت . . . وكانت ايدها قوية .. شاله عليه وايد المسكينة . . .تقريبا مال 3 دقايق . . وعقب وخرت ايدها وشفت الحلج . .

مهره : انا خلصصصصت . .

اول ما فتح عينه انسدح ع سريرها . . وتم حاط ايده ع شعره . . : حرام عليج . . . انا قلت بتبوسيني شي جي . . طلعتي متوحشة والله . . .

مهره عقدت النونة : ابوسك اونه . . طاع ـووو منو يرمس بس . .

سيف وهو يحس بصداع من كثر ما مطت شعره . . . : الله يسسسامحج . .

صد يمين يبا يشوف شو سوت في ويهه . . ابتسم وقبض ضحكته . .

كانت كاتبه ع يبهته . ." عـنز الفريج " لا وراسمة حبتين بعد . . .

اطالعها بنظرة بريئة : ما تقصصصصصررين مهره خانووم . .

سارت صوبة وعطته الورقة . . . وعقبه القلم .. : وووقع . .

سيف يقرا الورقة . . " اتعهد انا سيف . . اني ما امد ايدي ابدا عليج يا مهره . . واذا رديت مديت ايدي عليج . . عاقبيني لمده 3 ايام . . وانا ريال والتزم فهالشي بموجب القانون واذا ما التزمت فيه يعني انا مش ريال وبحلق شواربي بعد . . "

سيف ضحك : هههههههههههههه . . يا حرممه شو هذا .

مهره حاطه ايدها ع خصرها : ما يخصني . .ووووقع . .

سيف مبتسم : يعني شدراج اني بلتزم فيه . .

مهره : عاد انت وضميرك . .لاتوقع عليه الا اذا انت واثق انك بتلتزم وانك بتتعاقب لو ما التزمت . .

سيف يحس بالمتعه . .. ابتسم اكثر وخذا القلم وووقع . . .

سيف : وهذي الورقة وووقعناها . . . الحييين قوومي هاتيلي مزيل مكياج عسبت تخوزين هذا من ع يبهتي . .

ابتسمت له وسارت تيب له كلينكس . .

سيف : هاا مزيل مكياج احين . .

مهره : هيييه . . جرب ويخوز . .

سيف يعطيها : سسسوي انتي يلاااا . . عطيتج ويه وايد . .

مهره عاقده حياتها : رووووووووووووووح طير . . اطلب عدل اول . .

سيف فاج عينه : تعالي اقولج . .

مهره : مااااااااابي . .

" وتمشي عنه بتطلع برا الحجره . . . ويرد يزخها ويسسحبها صوبه وايد ! مما خلاها تتوتر وهو توتر . . "

وخرت ايدها عنه بسسرعه . . وهو حاول يلطف الجو . . .

سيف : يلا يلا بلا هالحركات ووخري اشوف . .

عشان ما اطول السالفه خذت الكلينكس عنه وقعدت توخر . . كانت ايدها اليمين الي تخوز المكياج و ايدها اليسار محطوطه ع عينه اليسار وهيه مش حاسه . . وهو مغمض . . .حاس بدفا فظيع . .

اول ما خلصت يايه بتوخر ايدها بس سبقها وثبت ايدينها ع مكان عينه . : لا تتحركين . .

مهره تحس برجفه . . . تمت واقفه دقيقه . . وعطست عقب مما خلاها تخوز ايدها بقو وتقوم عنه . .

سيف يبتنهد . . . يحاول يذكر شو قال رامي . .لان كل الي قاله رامي هو ما سسواه . . اللهم بس قاله رامي دش عليها واتاسف . . وبعديين ؟؟ نسسى ّ!!!

ما حب يطلع من الغرفة . . يبا الجو يتلطف اكثر . . يحس انها يبا يستمتع وياها . .

مهره : يالله اطلع عشان انام . . .

سيف : وانتي حياتج كلها نوووم . . ." يشوف الساعه " الحين الساعه 5 العصر . .شو يرقدج ؟

مهره تثاوب : احسس بتعب ياخي . .

سيف : انزين نامي شوي بس . . ولا اقولج . . قومي قومي بنطلع . .

مهره تطالعه : نطلع وييين . .

سيف : بنتمشى برا ششوي وبنتغدا . . انا للحين ما كلت شي ويوعاان . .

مهره حاطه ايدها ع بطنها . . . حتى هيه يوعانه بس ما قالت

سيف عرف من شكلها انها يوعانه . . وابتسم : ههه يالله لبسي لبسي . .

مهره ابتسمت : انزيين . .

سيف يطالعها وهيه تطالعه . . . عقدت حياتها . . .

مهره : شوو تتريا اطلع . . . ابا البس ..

سيف : اووه نسسيت . . " وطلع عنها "

>

<

<

دخل عليها سيف الغرفه وهو يحس بخوف من الي قاعده تسويه . . وعلى سرحانها وسكوتها الفظيع . .

شافته بعيون سرحانه . .

>

<

<

.

.

يندق باب الشقه بقوه .!!! استغرب سيف وسار بطل الباب بسرعه . .

ميثا عاقده حياتها : انت اهني ؟؟؟؟؟ " تطالع الشقه " منو عندك ؟؟؟؟

سيف باستغراب : محد !

دخلت ميثا الشقه وقعدت ادور ف المكان . . بطلت غرفه مهره ب قوه !! وشافت مهره راقده . .! وطلعت من الغرفه . .

ميثا : انت تتهرب مننني ؟؟؟

سيف يتنهد ويسكر الباب : ليش اتهرب منج يا ميثا .. والله ماتهررب .

ميثا ب صوت عالي : كييييييف تقولي طايح ف مشكله ويا اهلك ؟؟؟ ويييييييييين اهلك الحين . . ؟؟ تخرط علي . . ؟؟؟؟

سيف ب هدوء : ايلسي حبيبي . .

يقعد ع الغنفه . .

ميثا تصارخ : شو هالبرووووووووووووووووووووود الي فيييييييييييييك ؟؟؟؟؟؟ اقوولك وينك عني من كم يوم لا تسسال ولا تنشد حيه ميته . . ولا تتخبر عن الي في بطني حتتتى . . . ومطرشلي مسج انك مشغول ويا اهلك وانت يالس ويا هالحيوانه برووووووووحكم .؟؟؟؟؟؟؟؟ قووول لي الصصصصصدق ليسش تجذب . .

سيف يقوم ويصارخ : لـا تسسسبينها . . . ما سوتلج شي عشان تسبينها . .

ميثا تبتسم وتصفق : برافو برافو . . يا بططل انته . . ادافع عنها بعد . . غسسلت مخك ف هالكمن يوم . . .

سيف يتقرب صوبها ويمسك ايدينها : اهدي حبيبي والله بنتفاهم . .

ميثا توخر ايده بقوه : لا تلمسسني يالخسيس ..

سيف يتنهد : اسستغفر الله . .

ميثا تسير صوب غرفت مهره وتبطلها ب قوه : قوومي فديتج قومي . . .بعد مخلنج انتي راقده ومرتاحه وهو عند بااااب الغرفه يتريا الامييره النائمه تقوم من نووومتها . . .

مهره قامت من ع السرير وسارت صوبها بكل برود : اطلعي برا . .

ميثا بذهول : شو قلتي ؟؟

مهره تبتسملها : ما سمعتيني ؟ اطلعي برا ..

ميثا تعض ع شفايفها بقوه : انا اطلع برا ؟

مهره : يوم بتحشمين الي ف البيت تعالي . . بكون ف استقبالج . .

ميثا تمت مكانها مصدوومه ماتتحرك . . صدت ل سيف ودمعه من عيونها نزلت . .

ميثا تطالع سيف ب عيون مذهوله : انا الي اطلع بررا حبيبي ؟

سيف يطالع ميثا ويطالع مهره ! ما يعرف شو يقول . . .

ميثا تعض ع شفايفها ب قهر : حبيبي تخلي هالحيوانه اطلعنننني برااا ؟

مهره تعطي ميثا طراق : محد حييوان غيرج . . " بصوت عالي " اطلعععععي برا . .

سيف يا ومسك ايد مهره بقوه : لا تمدييييييين ايدج عليها . . ميثا الي ادش وانتي الي تطلعيييييين سمعتتتتتتتتي ؟؟؟؟؟

مهره تطالع سيف ب عيون حايره : انا الي اطلع ؟

سيف ب عصبيه : ما بعييييييييييد كلامي اكثر عن مره . .

مهره تطالع ميثا : ما بتطلعييين برا ؟ مافيج ذره احسساس ؟

سيف يمسك مهره من اييديها ب قوه و ب عصبيه : ششششششششكلج ما سمعتيني ششششوه قلت . . هي الي ادش وانتي الي تطلعين . . يوم بتحترمينها تعالي دقي الباااااب . .

وطلعها برا الشقه !

>

<

سكرت عينها ونزلت الدمعه . .

مهره تغطي اذنها : بس كاااااافي مابي اذكر شي ماااااااااابي . .

>

<

سار صوبهآ بسرعه وبنظرة لئيمه ممزوجه ب قهر . . : الله يبارك فيج !!! ششرفتي . . توه الناس جان ما رديتي البيت بعد . .

مهره تبتسم باستفزاز : لا تدخ ـل فيني . . . ولا تحاول بع ـد . . انته تعرف حدؤوودنا ويين . .

عض ع شفايفه بقهر ومطها من شعرها ودخلها الغرفه ب عنف . . .

حمد بغا يسير صوبه بسرعه بس قبض روحه ودق ايده باليدار باقوى شي عنده . . .

مهره تمسك ايده : وخخخخخخخخخخخخخر عني . . وخخخررررررر

سيف عقها ع الارض : بوخر عنج . . بس حدودج اهني . . ما بتطلعين من هالغرفه . .

توقف ع طول وتسير صوبه وتضرب صدره : مااااااا يخصصصك فيني . . انت ما يخصصصك فيني . . مثل ما بتعيشش حياتك خلني اعيش حياتي . . .انت الي اقترحت تكون حالتنا جيي . . لا تبين لي اهتمامك الحين . . " تنزل دموعها . . " انت تزوجت الي تحبها . . شتبي فيني الحين . . . خلاص روح لها شوو تتريا . . .مابا منك شششي والله مابا منك شي . . . بس خلني ف حااالي . . .

مطها من شعرها بقوو وشاف دموعها وصياحها زااد . . .

مهره : انت لييش جي تسوي فيني لييييش . . .

بطل حمد الباب بقوه . .

حمد بعصبيه : انت حيييييييييوان شششو .. حيووووووووووان . .

سيف باستغراب : حمد الزم احدودك واطلع برا . . . " يصد صوب مهره ويشوفها بلا شيله . . "

وخر ايده عن شعرها والشيله الي كانت ع رقبتها حطاها ع راسها وسحب ايدها بيظهرها من هالمكان . .

حمد يغمض عيونه ماقادر يشوف مهره تنضرب ويخاف مشاعره تفضحه ووتتوهق مهره اكثر . . .

حمد بتردد : اسف . .. اسف لاني دخلت جي . . بس تفاااهم . . تفاهم معاها مش بالعنف . .

سيف يسحب مهره معااه وهيه تقاومه بقوه . . . لكنه كان اقوى عنها وسحبها بسرعه . . .

>

<

تقرب سيف منها وهو خايف . .

سيف : شلي تفكرين فيه . . شفيج كلمممممممميني حرام عليج . .

مهره تطالعه ودموعها تنزل . . تمت تطالع ملامحه بدقه

>

<

>

ميثا تضرب ع ويه مهره بخفيف : مهره . . . مهره . . .قومي حبيبتي . .!!

مهره تفتح عينها تشوف ميثا ماسكه خدها . . دزت ايد ميثا بقووه . .

مهره : وووووووووخري عني . . مابا مثل هالاشكال يلمسسوني . .

ميثا مبتسمه : مشكووره وما قصرتي ويي منج اكثر . . .

مهره تشوفها باشمئزاز : شووو تبون فيني الحين . . . ليش مخليني اهني . . .

ميثا : سواف ياني وقالي ابطل لج الباب . . وبرايج جان تبين تروحين . . مرخصنج . .

مهره تبتسم بدون نفس وتطالع ميثا من فوق لين تحت .

ميثا تتنهد : لو تبيني اساعدج ب شي قوليلي . .

مهره : مشكورة مابا منج شي . .

سيف يدخل : خلبييييييييها . . مش ويه أدب . . مش ويه حد يعاملها ب طيبة . . وايد عاطتنها ويه انتي . . تعالي ميثوه تعالي . .

ميثا تطالع سيف ب عصبيه وعقدت حياتها . . .

سيف : ششوفي قلتلج لا ادافعين عنها . هاي وحده والله انها ماتستاهل . . . تعالي يلا خليها تلتعن . . .

حاولت مهره تقوم بس مافيها قوة . . . امس ضربها ضررب . . .مارحمها مول . . يايه ترص ع عمرها وتقوم باقوى ما عندها وبغت اطيح وساعدتها ميثا بسرعه . .

مهره توخر ايد ميثا : لا تفكرييييييييييييييييييين تلمسسسسسيني . . ماشرف ب لمس ايادي قذره . .

يا سيف بكل عصبية وعطا مهره طراااق خلاها ترد تنسدح ع الارض . . .

سيف يمسك ايد ميثا: تعالي والله لاخليها اهني اتموت . . هاي ويه حد يحترمها .. .

ميثا تقاوم : يا سيييييييييف حرام عليييييييييييك . . لاتتتتسسوي جي . .

اما سيف كان اقوى عنها وطلعها برا الغرفه وقفل الباب . .

خلاها طايحه ع الارض . . . لا تقدر تصيح . . ولا تقدر تنطق ب حرف واحد . . . اكتفت بالسكوت واكتفت انها اتم طايحه مثل ما هي . .

>

<

مهره تضرب صدر سيف : حقييييييييييييييييييييييييير . . شكثثثر اكرهك شكثثثثثثر

سيف : اهدي الله يخليج فهميني شفيج .. لا تخبلين فيني اكثر عن جيه دخييييييلج

مهره تصارخ : لا تللللللمسسسسسني

سيف : ما بلللللمسج بس اهدي الله يخليج . .

>

<

>

تبطل عليها الباب بهدوء . . ب كل هدوء سار صوبها . . وقومها من ع الارض . .

ما دفرته ولا عصبت ولا قالت اي شي . . خلاص مافيها حيل تقاوم ابد . . منهد حيلها ومافيها اي طاقه . .

قومها وساعدها عشان تقعد ع السرير . . قعد حذالها . . . وخر شعرها من ع ويهها ورتبالها اياه . .

سيف يتنهد : محد معذبنا غير لسانج الطويل وعنادج . . ليش تعانديني ليش . .

تطالعه ب نظره مكسورة : انت الي مش قد كلامك . .

سيف يصد الصوب الثاني : عصبتيني . . . ما حبيت اني ارد الشقه وماشوفج . . " يقوم من مكانه ويسحب له كرسي ويجابلها " رديت ابا اتاسف لج . . ابا اقولج اني اسف لاني خليتج ورحت بهالطريقه . . فررت يوم عرفت انج محد . . وراده متاخر . .

مهره عاقده حياتها : وشو الي ياثر فيييييك . . انته من البدايه قلت مالك اي دخل فيني . . ليش تعور راسسسك . . خلاص الي تحبها في حياتك الحينه . .

سيف : مادري لا تساليني . . مادري ليش صار كل هذا . .

مهره تغمض عينها ب تعب . .

سيف : انا اسف . . اسف اني سويتلج كل هذا . . اسف اني مديت ايدي عليج . . واسف . . .

مهره تقاطعه :دوم تتاسف يا سيف وترد تكرر كل شي . . خلاص ما يفيدني اسفك ب شي . . ابا ارد بيتنا . . خلص هالمسرحيه بسرعه . . خل ننهيها وانا بتحمل كل الي بييني . .

سيف عاقد حياته : تبينا نطلق . .

مهره : هييه اباك اطلقني . . خلاص انا مابا اعيش ف هالحياه . . مابا اكون طرف ثالث متعذب . .

سيف : بس . .

مهره : دخيلك لا بس ولاشي . . خلاص الي تحبها معااك . . والله يهنيكم . . وكل الي سويتلي اياه انا مسامحتنك عليه . . بس خلني ف حالي واطلق سرااحي . . مابا اتم مقيده فيك . .

سيف : ماعليه . . بنتكلم ف هالموضوع . . قومي بنرد الشقه . . بتبدلين ملابسج . . وبنروح ناكل . .شكلج وايد تعبان . . لازم تاكلين لج شي . .

مهره تطالعه : لا تبين لي اهتمامك . . لا تمثل انك مهتم فيني . .

سيف : انااا ما امثل . . والله اني ما امثل . . . انا جد اباج ترتاحين وتاكلين لج شي . . "يقرص خدها ب خفيف " ويهج تعبان . .

نزلت ايده : خلاص . . خلني ارد الشقه وانا بسوي لي شي وباكل اهناك . . مابا اطلع مكان . .

>

<

مهره : ليش ما طلقتني ذاك الوقت لييييش . . ؟ جان ريحتني من العذاب الي عايشتنه الحين . . " تصيح بصوت عالي " ليييييييتتي افتكيت مننننننننننك عقبها لييييتتتتتتتني . .

سيف : انا ماعرف انتي عن شو تتكلمين " بنبره تعذب " لا تسوين فروحج اكثر عن جيه انا ما اتحمل والله العظيم ما اتحمل . .

>

<

دخلت ميثا الشقه وقعدت ادور ف المكان . . بطلت غرفه مهره ب قوه !! وشافت مهره راقده . .! وطلعت من الغرفه . .

ميثا : انت تتهرب مننني ؟؟؟

سيف يتنهد ويسكر الباب : ليش اتهرب منج يا ميثا .. والله ماتهررب .

ميثا ب صوت عالي : كييييييف تقولي طايح ف مشكله ويا اهلك ؟؟؟ ويييييييييين اهلك الحين . . ؟؟ تخرط علي . . ؟؟؟؟

سيف ب هدوء : ايلسي حبيبي . .

يقعد ع الغنفه . .

ميثا تصارخ : شو هالبرووووووووووووووووووووود الي فيييييييييييييك ؟؟؟؟؟؟ اقوولك وينك عني من كم يوم لا تسسال ولا تنشد حيه ميته . . ولا تتخبر عن الي في بطني حتتتى . . . ومطرشلي مسج انك مشغول ويا اهلك وانت يالس ويا هالحيوانه برووووووووحكم .؟؟؟؟؟؟؟؟ قووول لي الصصصصصدق ليسش تجذب . .

سيف يقوم ويصارخ : لـا تسسسبينها . . . ما سوتلج شي عشان تسبينها . .

ميثا تبتسم وتصفق : برافو برافو . . يا بططل انته . . ادافع عنها بعد . . غسسلت مخك ف هالكمن يوم . . .

سيف يتقرب صوبها ويمسك ايدينها : اهدي حبيبي والله بنتفاهم . .

ميثا توخر ايده بقوه : لا تلمسسني يالخسيس ..

سيف يتنهد : اسستغفر الله . .

ميثا تسير صوب غرفت مهره وتبطلها ب قوه : قوومي فديتج قومي . . .بعد مخلنج انتي راقده ومرتاحه وهو عند بااااب الغرفه يتريا الامييره النائمه تقوم من نووومتها . . .

مهره قامت من ع السرير وسارت صوبها بكل برود : اطلعي برا . .

ميثا بذهول : شو قلتي ؟؟

مهره تبتسملها : ما سمعتيني ؟ اطلعي برا ..

ميثا تعض ع شفايفها بقوه : انا اطلع برا ؟

مهره : يوم بتحشمين الي ف البيت تعالي . . بكون ف استقبالج . .

ميثا تمت مكانها مصدوومه ماتتحرك . . صدت ل سيف ودمعه من عيونها نزلت . .

ميثا تطالع سيف ب عيون مذهوله : انا الي اطلع بررا حبيبي ؟

سيف يطالع ميثا ويطالع مهره ! ما يعرف شو يقول . . .

ميثا تعض ع شفايفها ب قهر : حبيبي تخلي هالحيوانه اطلعنننني برااا ؟

مهره تعطي ميثا طراق : محد حييوان غيرج . . " بصوت عالي " اطلعععععي برا . .

سيف يا ومسك ايد مهره بقوه : لا تمدييييييين ايدج عليها . . ميثا الي ادش وانتي الي تطلعيييييين سمعتتتتتتتتي ؟؟؟؟؟

مهره تطالع سيف ب عيون حايره : انا الي اطلع ؟

سيف ب عصبيه : ما بعييييييييييد كلامي اكثر عن مره . .

مهره تطالع ميثا : ما بتطلعييين برا ؟ مافيج ذره احسساس ؟

سيف يمسك مهره من اييديها ب قوه و ب عصبيه : ششششششششكلج ما سمعتيني ششششوه قلت . . هي الي ادش وانتي الي تطلعين . . يوم بتحترمينها تعالي دقي الباااااب . .

وطلعها برا الشقه !

مهره عند باب الشقه مصدومه .!!!

>> طلعني اناا ؟؟ انا الي طلعت !!! . . هيه الي تمت داخل واناا الي طلعت . .. " ابتسمت ب عذاب " معقووله . . لهالدرررجه . . . خلاني اظهر جييه !!! بلا شيله ولا عباه حتتتتى . . .

>

<

مهره تقوم عنه وراحت تكسر كل شي جدامها . . كسرت كل اغراضها الي ع التواليت . . تمت تفرر كل شي ف كل مكان . . تقرب منها بخووووووف مما خلاها تفر عليه كل شي يكون فايدها من غير ما تحسسس . .

>

<

سيف : قومي بتاكلين . . ما بعيد رمستي مرتين

مهره : قلتلك مابي اكل

سيف يطالعها : بتكسرين كلامي

مهره : انا ماكسر كلامك . . ششو يخصه ؟ انا مابي اكل . . مافيها اكسر ولا ما اكسر

سيف : وانا قلتلج قووومي ! وانتي تقولين لا !!! ها شو معناته "؟ تعصصيني . .

مهره تتنهد بضيج وقامت بشويش . .

ما قال شي ولا عطاها ذاك الاهتمام . . طلع من الغرفه وطلعت وراه وكانت ميثا قاعد ترتب الاكل ع طاولة الطعام . .

ميثا : عشان خاطرك بس . . دلعتك ودلعت عديلتي . . بس لا تتعودوووون ..

سيف : اعرف ان انتي اصلا ما منج اثنيييين فالدنيا . .

ابتسمت ميثا وقعدت على يمينه . . اما مهره قعدت مجابلتنه . . توقع انها بتقعد ع يساره بس فاجئته . .

سيف يطالعها بنظرات تركيز . . ماعرفت شو يقصد منها . . سمت بسم الله وبدت تاكل !!

ميثا تمد له لقمه من ايدها : بطل حلجك حبيبي . .

سيف يبتسملها بحنان وياكل من ايدينها . : يممم . .

ميثا : صحتييين فديت روحك

سيف يطالع مهره : ع قلبج حبيبي

اما مهره تمثل اللامبالاه وهيه تحس قلبها ينعصصر ..

تمو ياكلون بهدوء . . لين ما ميثا حست بعوق بسيط ف بطنها وعقت الشوكه

سيف يصدلها بخوف : شفيييج حياتي ؟؟؟

ميثا : مادري احس بألم . .

سيف : بسم الله عليييج شفييييييج شو ياج مره وحده . .

ميثا تمسك ايده : لاتحاتي حبيبي عوق خفيف بيخف الحين . .

قام سيف وقومها معاه لين ما وصل الغنفه . .

سيف : طيحي عشان ترتاحين . .

طاحت وغمضت عينها . . وهو كان ع الارض ماسك ايدها بقوه ويمسح ع شعرها . .

حطا ايده ع بطنها : الحين احسن ؟

ميثا ماردت وتمت مغمضه

سيف باس بطنها وتم حاط ايدينه عليه

سيف : ارتاحي حياتي . . ارتاحي حبيبي . . ارتاحي بعد عمممري انتي

ميثا تبطل عيونها : حبيبي " تسحب راسه وتحطه فحظنها "

سيف بخوف : انتي احسن ؟

ميثا : بستوي احسن حبيبي . . خلك عندي بس

اما مهره !

غمضت عينها بألم . . حطت ايدينها ع بطنها . .

>> ليش انا لا . . ؟ ليش انا ولا مره مسك بطني وقالي نفس الكلام ؟ ولا مره حسسني انه يبي هالياهل الي ف بطني . .!! ولا اهتم فيني لهالدرجه ! سيف ما يحبني . . ما يحبني كثر ما يحبها . !! انا شووو جدامه شوو ؟ ولا ششي ! اكيد كل الكلام الي قالي اياه اليوم عششان يجبر بخاطري بس

قامت من مكانها وهيه تحس بألم في قلبها . . وتحس ب تعب اكثثثر . . تحس ان هيه الي تستاهل الي يهتم فييها . . ما قالت ولا حرف . . مشت جدام عينه ودخلت غرفتها وسكرت الباب !

>

<

مهره تروح صوب سيف ووتضربه ع ويههه بأقوى ما عندها وهيه تصرخ : خسيس . . حقيييييييييييير . .

سيف بس تنزل دموعه خوف عليها . . مايدري شصارلها وليش قاعده تتصرف بهالطريقه . .

سيف : ابوس ريلج فهميني شقاعده تفكرين شلي يدور في بالج . .

مهره تطالع سيف بقلب معصور . .

>

<

على هالانتظار الي فوق الـ ربع سآعـه دششت مهره و دش ورآهآ نآصر . . نآصر ابتسم لـ سيف بدون نفس ورآح . . ومهره تنهدت بضيج وتمت تطالع سيف وهيه امبوزه . .

مهره : آآآآه لو تدري ششصار يا حبي . .

سيف كاتم النار الي فيه وبالع الغيض : وين كنتتتتي ؟

مهره تطالعه بحيره : كنت ويآ نآآصصر . .

سيف : وين ؟

مهره : رحنآ عند حصيص . .

سيف متفآجآ : عند حصييييييييييييص .؟؟؟؟؟؟؟؟؟؟؟؟؟؟؟؟؟؟؟؟؟؟؟؟ وانا اخر من يعلممممممممممم ؟؟؟

مهره تطالع سيف باستغراب ولاحظت عصبيته : شـوه فييك ؟ انا طرششتلك مسج خبرتك

سيف تقرب منها بقوه ومسك جتفها بقوه مما خلا الهوى يضرب ع شيلتها واطيح . .

مهره : شووووووووه فيك ليش معصصصصصصصب علي . . قلتلك انا طرششتلك مسسسج والله العظييييييم طرشتلك خبرتك

سيف سحب شعرها بقوه وتم يمششي وهي موخيه راسها ورقبتها وحانيه ظهرها بششكل كبير وتمشي على ايده الي نازله وتحاول توخر ايده بس ما تقدر . .

مهره : سيييييييييييف هددددددددددني . . " تمسك بطنها تغمض عينها بقوه " هدننننننننننني . . اااااااااااااه بطننننننننننننننننننننني . .

ما سوالها اعتتتبار وكمل مشيتها لين صررررررررخت بآقوى صوت عندها . .

وصدالها سيف . .

مهره دمعتها تنزل وتشوف الارض . .

سيف تم يطالع الارض بصدمه ومتفأجأ من الدم الي يتصبب . . على طول حط عينه في عينها وشاف دموعها غرقانه ع ويهها وطلعت منها صررررررخه شلت المكان ششششششل !

مهره ماسكه بطنها وتعض ع شفاتها بقوه : آآآآآآآآآآآآآآآآآآآآآآآآآآآآآآآه بططططططططططططني

وطاحت . .

>

<

مهره تصارخ وتمسك بطنها : ذذذذذذذذبحت اغلى شي عندي . . انت ذبححححححححته انتتتتتت

سيف يعطيها طراق : بسسسسسسس خلااااااص اصحيييييييي . .

من عقب هالطراق تمت مهره ع الارض . تشهق بصوت واطي . . . ارتاحت . . تحس انها ما تفكر بشي . .

هالطراق خلاها توقف تفكير وماتحس الا بانها ع الارض . .

01-25-2012, 03:32 PM

البارت الـ 166

سيف ينزل لها ع الارض ودموعه تنزل : شقاعد يصير فيج خبريني . .

مهره تطالعه . .

سيف يمسح دموعه وينزل دم من خده ومن يبهته بشكل خفيف . . ما حست بروحها يوم انهدت فيه ضرب وهيه تفرفر كل شي عليه . .

مهره تحاول تقوم : مافيني شي خلاص . .

سيف : شلي كان في بالج خبريني

مهره تطالعه بعيون حمرا حيل : مر في بالي نص العذاب الي عذبتني اياه . . مادري لو مر كله في بالي شو بيصير فيني . .

سيف يغمض عينه بقوه . .

مهره : ابا احرق قلبك شرات ما حرقت قلبي . . لكن مش عارفه كيف . .

سيف يطالعها : الي تبينه سويه والله راضي وبتحمله . .

قامت عنه وراحت الحمام غسلت ويهها وحست الدنيا تدور فيها وطاحت . . .!

.

.

.

محمد : لا حول ولا قوه الا بالله العلي العظيم . . حرام والله شوق ما تستاهل الي يصيرلها . .

حمد يطالعه : واناااااا ؟

محمد : انت غلطان . . انت الي بديت وكلمتها وانا اعرف بالاساس انت ليش كلمتها والله

حمد ساكت . .

محمد : كنت واثق من هالشي بس احاول اجذب احساسي وابين غير جي . . شوه ذنبها الفقيره تعلقها فيك

حمد : انا ماوهتمها في شي حمود والله ماوهمتها بشي ! كل سوالفنا كانت عاديه جداا . . ماتعدينا الحد ابدا . . واغلب حوارنا عن مهره . . بس اخر الفترات الي هي بدت تسولف عن اشياء ثانية . . انا عمري ما حبيتها ولا كنيت لها اي مشاعر . . لو هي كنت لي حب هاي مشكلتها مش مشكلتي انا

محمد : لا حمد لاتتكلم بهالطريقه . . انت مش جيه ياخوي

حمد : اعررررف . .بس انا الي يهمني مهره . . ماتهمني شوق ولا عمرها بتهمني . .

محمد يربت ع جتفه . .

نزلت دموع حمد ونزل راسه : محتاج لامي . .

دمع محمد ولف الصوب الثاني . .

حمد : محتاج لحظنها . . محتاج " يحط ايديه ع ويهه " محتاج اكلمها . .

محمد مسح دمعته وصد صوب حمد : انت اييه عن حركات الحريم . . محتاج حق امي محتاج حق ابوي . . قول الله يرحمها . .

حمد يمسح دموعه . .

محمد : هونها ياخويه وتهووووون . .

حمد ما يرد عليه ومنزل راسه . .

محمد يأشر : اووووه مهره . .

حمد صد : وييييين . ؟

محمد : ههههههههههههههههه مالت عليك . .

حمد ابتسم غصب : والله سخيف . .

محمد : ههههههههههههههههههههههههههههه

حمد : انزل من السياره

محمد : هههههههههههه واه لو شفت شكلك بس

حمد بيتسم : ما بسبك . . بحترم نفسي

محمد : لا الله يخليك سبني . .

حمد يطالعه : حمود

محمد : سبني والله تولهت ع سباتك القويه ههههههه

حمد يفج عينه : محمد شو ياينك اليوم مستخف دمك . .

محمد : سبني يا ريال . . " يصد صوب الجامه " مهره . .

حمد يصد . .

محمد : هههههههههههههههههههههههههه

حمد : ع فكره انت *************

محمد :ههههههههههههه بل . . افااا . . انت لو يسمعونك الناس بطيح من عينهم . . يتحرونك المثالي

حمد يبتسم : وانا مثالي محد ينكر . .

محمد : انا اناا انكر . . اعرف سواد ويهك

حمد يطالعه : احين انا لي سواد ويه . .

محمد يغمز له : انت الي مبيض الويه فديت روحك . . اخ لو انا بنت بس . .بغويك بخليك تحبني

حمد : ههههههه ووووووع . . اسكت لوعت جبدي . .

محمد : والله اني جميل . . يوم بستوي بنت عاده وشعري لين اهني " ياشر ع نص ظهره " وحاط هاك الروج الاحمممر . . وه وه . .

حمد : الله يقرفك اسكت ويا هاللحيه تخيلتك بروج احمر ولاعت جبدي

محمد : عاد انت اسكت الله يهديك . . يوم بكون بنت ماشي لحيه . . وبحط هايييج المسكرة عشان تستوي رموشي شرات رموش الناقة . .

حمد يبتسم ويحاول يمسك ضحكته . .

محمد : وبحط شدو في خدودي . .

حمد : هههههههههه الشدو يحطونه فالعين يا الثور

محمد : انا شعرفني . . المهم بحط شدو في عيوني . . عيل الي يحطونه ع الخدود شو ؟

حمد يفكر . . : ماعرف

محمد : ممم اظن يسمونه لاشر . .

حمد : هههههههههههه اخيه . . بلشر بلشششششر توني ذكرت . . لاشر اونه

محمد يبتسم بانتصار لانه خلا حمد يطلع من المود . . : المهم الي هو . . ولابس لك هاك السكاري بو قوتشي . . ولابس هالعباه الي مطلعه نص الايد واراويك ساعتي شانيل موديل 2010 تقليد . .

حمد : ههههههههه صدقني بطيح من عيني بس . .. انا ما تمزر عيني الا الحشيم ..

محمد : ولايهمك بتحجب ما بطلع قصتي . .

حمد : اسكت بسسسسسسسس لوعت جبدي يا ريال . .

محمد : يالله بنرجع راك . .

حمد يطالعه : هاه . .

محمد : شو هاه . . ليش اتم اهني ؟ سلامه روحها اهناك . .

حمد : اوه . .

محمد : خل سيارتك اهني

حمد : لااا بروح فيها . .

محمد : لا ما بخليك تسوق روحك لازم ونيس . .

حمد : يا ريال منو بييب سيارتي عقب . .

محمد : باجر بني بنشلها . .

حمد : لالالا . . ماله داعي هالخبصه كلها . . ماشي الدرب الا نص ساعه لين راك . . ما يبالها . .

محمد : مالت انت الخسران . .

حمد : شو بخسر يا حسرتي . .

محمد : فراقي بعد شو . .

حمد ينزل من السياره : اترياني بييب السياره هالصوب بنحرك سوى . .

محمد : اوكي . .

ونزل من السياره . .

تناهيد : يحليييييييله حبيته تصدق

محمد : انتي ما مليتي وانتي ع الخط . .

تناهيد : انت قلتلي اصبرري

محمد : والله لج بارض . .الواحد بيصبر 5 دقايق وانتي تامه فوق الساعه . .

تناهيد : اندمجت وانا اسمع سالفته المسكين . .

محمد : حبيتيه ؟

تناهيد : هيه والله ينحب . . انا ماحب هالخرابيط . . لكن هالشخص مادري اثر فيني . . احسه وايد يعاني

محمد : مالت عليج . . انتي لو سمعتي مأسأتي جان ما تكلمتي

تناهيد : سمعت نص مآسآتك وكسرت خاطري . !!! لكن هو اكثثثر . .

محمد : . .

تناهيد : لكن عفيه عليك . . قدرت تطلعه من المزاج الي هو فيه . . مع انك بروحك مكسور الخاطر

محمد : شفتي كيف

تناهيد : صدق هاي هبببببه من الله اذا كنت تقدر تضحك الي حواليك وانت بخاطرك منجرح . .

محمد يبتسم . : فديتني كلي مواهب وهبه من الله . . الحمدلله

تناهيد تثاوب : يالله انا برقد . .

محمد : لاصبري شو ترقدين . . احين بيأذن الفير .. صلي ونامي

تناهيد : باقي ع الصلاه ساااااعه الا ربع . . بنشش انا عقبها

محمد : بكون وصلت راك . . عقبها رقدي

تناهيد : لا والله وليش انجبر اتم معاك

محمد : يااا الله بالستر صبرتي توا وانتي تسمعين السالفه كم ساعه ماترومين تتحملين شوي

تناهيد : قبل اسمع سوالف مؤثره ومندمجه الواحد ما يفكر الا بالسالفه

محمد يبتسم : صدق انج بنت . . المهم ما تبندين خلج ع الخط . . يلسي قرقعي . .

تناهيد : عيل تقول لاشر هاه . . اسميني ضحكت عليك ضحككك . .

محمد يغمض عينه : اوبس . .

تناهيد : يا حيك بو الروج الاحمر . .

محمد يبتسم : بايخه ع فكره ..

.

.

.

بعد اذان الفير . .

تتصل فيه . .

سلطان : ألوو . .

عذاري :صباح الخير حبيبي . .

سلطان يبتسم : صباح هالصوت الحلو . .

عذاري : يالله نش عشان تصلي . .

سلطان : ان شاء الله . . . انتي ما رقدتي ؟؟

عذاري : بلى رقدت ونشيت توه صليت . .

سلطان : يالله بنش الحين . .

عذاري تبتسم : متى بتكون حذالي واوعيك صدق حق الصلاه . .

سلطان يبتسم : قريب ان شاء الله ما باقي شي

عذاري : والله خلاص مافيني اتحمل ابي قربك . .

سلطان : هانت . .

عذاري : باقي شهر . .

سلطان : و 5 ايام . .

عذاري : لازم تحبطني يعني

سلطان يبتسم : ما احبطج غناتيه اخبرج واذكرج . .

عذاري : عقب هالخمس ايام ما بكلمك . .

سلطان : عفوا ؟

عذاري : هيه بعد شو . . ما يستوي ارمسك

سلطان : بتصبرين عني

عذاري : بصبر كله لاجل العرس

سلطان : بنشوف عذور . .

عذاري : انت ياحيك فيك قوه بتروم تصبر

سلطان : اانا ؟

عذاري : هيه بعد شو . . قلبك قاسي

سلطان بصوت واطي : فديت قلبج . .

عذاري استحت : شو . .

سلطان يبتسم : سمعتي حق شو بعد تقولين شو

عذاري بحيا تمت تكح . .

سلطان : هههههه ابوي انا

عذاري : يحليلها غرشه البيبسي من زمان ما ترستها . .

سلطان : افا عليج باجر بشوفج وبترسها . .

عذاري : لا خلاص ماشي شوفه . .

سلطان : مصختيها ترى . .

عذاري : هيه ما بتشوفني لين ليله العرس . .

سلطان يبتسم : انزين عذور بنشوف ..

عذاري : بس باجر حاله استثانئية مر سلم علي . . اخر مره

سلطان يبتسم : فديت الي ما تصبر عني . .

عذاري تبتسم . .

سلطان : ليش ساكته ان شاء الله ؟ ردي علي قولي فديتك حبيبي

عذاري : فديتك حبيبي . .

سلطان : اخخ يا قلبي . .

عذاري : فديت قلبك . .

سلطان : قومي عني خليني اصلي احسن . .

عذاري : هههههه اوكي . .

سلطان : قربي بعطيج بوسه ع راسج . .

عذاري : احم . .

سلطان: اممواح . " ابتسم " ليتج حذالي الحين . . بكشش شعرج . .

عذاري : عادي سو فيني الي تبيه . . المهم تكون بقربي

سلطان : الي تبيه ؟

عذاري : ايييييييييييييه

سلطان يبتسم : شفيج ما قلت شي انا

عذاري : حيوان بند . .

سلطان فج عينه : حيوان . . منو الي حيوان ؟

عذاري : هاه . .

سلطان يبتسم : منو الحيوان ؟

عذاري : انا الحيوان . .

سلطان : عيب . . لا تقولين عن عمرج جي مره ثانية

عذاري : اوككي . .

سلطان : قولي ان شاء الله . . بلاج اليوم ؟

عذاري : انزين ان شاء الله

سلطان : قولي ان شاء الله بدون انزين

عذاري : سسسسسسلطان

سلطان يغمض عينه : عيون سلطان . .

عذاري سكتت . .

سلطان : امتزرت الغرشه ولا ؟

عذاري تبتسم : باقيلها شوي . .

سلطان : عياااااره . . بندي يالله خلييني اصلي احسن . .

عذاري :احبك . .

سلطان يبتسم : احبج . .

عذاري : بدقلي عقب ما تصلي ؟

سلطان : لا .. لانج ما بتخليني ارقد

عذاري : انزين عادي باجر ويكند . .

سلطان : لا برقد عشان اريح ويوم امر عليج باجر يكون ويهي مصحصح . .

عذاري : انزين مصحصح ولا بدون بكبرك حلو عادي

سلطان يبتسم : ادري انزين بس بعد ابا اكون جميل اكثر بعينج

عذاري: ااااااه ياويلي عليك

سلطان : عذاري

عذاري : عيونها ..

سلطان : فديت عيونها . . ممم . .

عذاري : شو قوول . .

سلطان : لو في يوم سويت حادث

عذاري تقاطعه : بسسسسسسسسسم الله عليك شو هالفاااااال

سلطان : صبري بكمل

عذاري : ماتككككككككككمل ماتكمل

سلطان : سكتي اقولج . .

عذاري : . . .

سلطان : وتشوهت . .

عذاري تشهق : سلطان شو هالكلام . .

سلطان : بتمين معاي ولا بتودريني . .

عذاري : سلطان شو هالرمسسسسه شو فيك

سلطان : جاوبييني . .

عذاري : سلطان انت تتوقع اني انا تامه معاك عشان جمالك . .

سلطان : . .

عذاري : معقوله تتوقع جي . .

سلطان : اكيد هالشي مهم . .

عذاري : سلطان والله اني ما حبيتك عشان شكلك . . انا اول مره ما انكر انه هالشي الي جذبني فيك وخبلني عليك وسحرني من البدايه . . لكني عقب عشقتك انت وعشقت قلبك وعشقت كل شي فيك . . وصرت احبك انت واحب قلبك وعقب احب كل شي فيك . .

سلطان مبتسم : يعني ما بتودريني . .

عذاري : ما يفرقنا الا الموت . .

سلطان : يعلني فدا هالذوق كله . .

01-25-2012, 03:37 PM

البارت الـ 167

" بعد الصلاه "

فهد يبتسم : الله يتقبل

روضه : منا ومنكم ياربي . .

فهد يشوفها تمشي : وين رايحه

روضة : بطمن ع اليهال . .

فهد : تعالي اليهال مافيهم شي

روضة : ماقدر قلبي ما يطاوعني . . لازم اجيك عليهم . .

فهد يبتسم : يالله بروح معاج . .

دخلت عليهم كلهم وباستهم ولحفتهم عدل . .

فهد يطالعها : ارتحتي الحين

روضة : هيه . .

فهد يبتسم : الله يديمج لهم . .

روضة : ويديمك لنا يارب . .

فهد : انا وايد مرتاح معاج . . ماندمت على اختياري لج ابدا ..

روضة تبتسم بحيا ..

فهد يبوس يبهتها : الله يحفظج يارب . .

ومسك ايدها وراحو الغرفه . .

Cut

.

.

.

ام عبدالله تدق الباب : عنوود . . محمد نشو امييه صلاه . .

عنود : ادخلي خالوه انا بروحي . .

ام عبدالله : عنود ؟ انتي مش راقده ؟

عنود : كنت اصلي خالوه . .

ام عبدالله : محمد وينه

عنود منزله راسها : ماعرف ..

ام عبدالله : ويديه كيف ماتعرفين

انخشت عنود فحظن ام عبدالله وتمت تصيح . . وخبرتها كل شي ..

ام عبدالله : الله يهديج يا اميه . .

عنود : خالوه مش بايدي انتي بروحج تعرفين مش بايدي . .

ام عبدالله : صح مش بايدج . . لكن بامكانج تتصلين فيه 24 ساعه وتكلمينه فالفون تعوضينه . . مسجااات !! ماتشوفين عذور وسلطان كيف . . يقرقرون كل الوقت . . قرقري ويا ريلج حتى لو بالتلفون يا اميه حسسيه انج موجوده مش جذه . .

عنود : انا تعبانه من موت امي من الي صار في اختي . . من تشتت عايلتنا . . ابوي ف صوب واخواني ف صوب . .

ام عبدالله : هيييها يا عنود . . كل واحد فينا متعذب وله قصه . . لكن هاي الدنيا يا اميه . .ولازم تمشينها صح ماتوقفين عند شي واحد . . وريلج هو الي بيتملج . . هو عايلتج وبيتج . .

عنود تنزل دمعتها . .

ام عبدالله : اي شهر دخلتي . .

عنود : السابع . .

ام عبدالله : غريب هالوحام الي ما يخوز عننننج . . " ترفع ايدها وتمت تدعيلها "

عنود : خالوه ارقدي وياي لا تخليني الله يخليج . .

ام عبدالله : ان شاء الله فديتج من عيوووني . .

.

.

.

على الساعه 6 الصبح . .

مهره تفتح عينها بتعب وتشوف سيف على يمينها يطالعها . .

سيف يمسك ايديها بقوه : الحمدلله عالسلامه . .

مهره عاقده حياتها : انا شسوي فالمستشفى

سيف : اغمى عليج

مهره تقوم : مافيني شي ردني

سيف يطالعها بحنية . .

مهره تحس قلبها يدق بقوه بس ماتعرف ليش

سيف يمسح ع شعرها : تحسين بشي يعورج ؟

مهره : لا

سيف يحط ايده ع بطنها : تحسين بشي اهني . .

مهره تمت ساكته وتطالع ايده الي ع بطنها ..

سيف يبتسم . .

مهره : انا . .

سيف : حامل . .

مهره تمت مصدومه بس تطالع ايده وفاتحه عينها على وسعهن . .

سيف يبوس راسها : مبروك . . هذا ربج يبا يجمعنا بلي في بطنج من اول ويديد

مهره تطالعه . .

سيف تنزل دمعته : انا مستانس وايد . .

مهره تبلع ريجها وحطت ايدها ع بطنها : ليش ..

سيف عاقد حياته . .

مهره : ليش حملت ليييييييش

سيف استغرب . . مول ماتوقع تقول جي

مهره تطالعه : انا مابا شي منك . . مابا شي يربطني فيك

سيف : مهره استغفري ربج . . شو هالكلام الي تقولينه

مهره تصيح : مابيييييييه مابببببيه . .

سيف انصدم وايد . . تم يطالعها بنظرات استغراااب . .

عقب هدوء بسيط . .

سيف : لهالدرجه عايفتني . .

مهره تطالعه : محد يعوفك كثر ما اعوفك

سيف غمض عينه من قوة الكلام . .

مهره تقوم : انا ابا اطلع من اهني

سيف يطالعها ويمسك ايدها بقوة : ما يصير تطلعين

مهره عاقده حياتها . .

سيف : بيحطولج مغدي بعد شوي . . مابخليج تطلعين لين يخلص المغذي . .

مهره : اونك مهتتتتم

سيف : هيه مهتم . . الحين عندي روحين لازم ادير بالي عليهم . . انتي و الي في بطنج

مهره ما ردت عليه . . وردت اطيح ع السرير وصدت ويهها الثاني وتلحفت وحطت ايديها ع بطنها وقلبها يدق بقوة . .

>> معقوله . . انا حااامل . .

.

.

.

محمد : انا وصللت

تناهيد : اااااااااه راسي . . بنننننننند ألتقع دامك وصلت برقد ماقدر افج عيني

محمد يبتسم : الصراحه عفيه عليج اتحملتي هالكثر . . انا لو مكانج ربع ساعه رايح وطي

تناهيد : فكني لا تسوووولف

محمد : ما اسولف . . " يبتسم " مشكورة

تناهيد : على شو . .

محمد : لانج تميتي معاي هالكثر . .

تناهيد : كان المفروض تتصل في عنود واتم معاها وفكيتني انا

محمد يبتسم : المفروض قصدج عنود ألي تتصل . .

تناهيد : اعذرها . . لا تستوي من هالرياييل الجاااحدين . . الحرمه حامل لو انت تجرب ربع احساس الحمل جان فريت روحك من فوق البيت

محمد : الحمدلله اني ما اجربه عيل

تناهيد : قدر حرمتك ياخي . . اهتم فيها اتحملها

محمد : محمد يتحمل الي اتحمله انا والله . .

تناهيد : لا ياخي . . حمد فقير . . تعال ليش ما تعرفه ع وحده ؟

محمد : من وين اعرفه يعني

تناهيد : من الي ترمسهم

محمد فاج عينه : من الي ارمسهم . .شوه قصدج

تناهيد : شكلك لوتي مغازلجي . .

محمد : لقعه تلقعج هههههههههههههههههههه

تناهيد : والله صدق

محمد : انا ما اغازل لو سمحتي . .

تناهيد : خللللللللل عنك

محمد : والله اييه شو لهالدرجه انا طايح من عينج . .

تناهيد : عيل انا بدورلك وحده تنسيه الماضي والحاظر

محمد : يااا بقره لا تحاولين حمود ما يفيد وياه . . لو شو ما سويتي ما راح يحب

تناهيد تثاوب : المهم خلصني خلني ارقد

محمد : انزيييين . .

تناهيد : راضضض عنود سمعت

محمد : اصلا انا ماياي عند عنود

تناهيد : عيل وين ان شاء الله

محمد : عند ابوي وابو عنود فالفندق . . بتم معاهم . .

تناهيد : والله ماعندك سالفه تيلس ويا شياب . .

محمد : انتي بروحج عيوز . .صخي صخي بس

تناهيد : انا عيوز يالشيبه يالمكحيّن

محمد : انا مكحيّن ؟؟؟؟؟؟ شفتي عمرج يالعيوز يالعمشششه يا الحولا

تناهيد : ههههههههههههههههههههههههههههه

محمد : ضحكتي من ضرسج بلااا

تناهيد : ما ارقد اليوم يعني ؟

محمد : ارقدي ارقدي خلصينا . .

تناهيد : يالله باي . .

محمد : عافان الله مول ماشي اسلوب . . مع انج كلمتيني اليوم وايد ما تعلمتي شوي من الذرابه الي عندي

تناهيد : ذرابه ؟ اي ذرابه اي بطيييييييخ . . روح طييييييير يا عمي

محمد : طار عليج مكيف قولي امين

تناهيد : طارت عليك بقره

محمد :البقره اطير يالغبيه ؟

تناهيد : لا المكيف الي يطير . .

محمد + تناهيد : هههههههههههههههه

محمد يبتسم : جلبي ويهج يالله . . كوابيس ان شاء الله

تناهيد : وياك ان شاء الله . . فمان الله

محمد : الرب حافظ . .

وبند ..

ابتسم محمد . : والله يا تناهيد محد صاير يضكني غيرج

01-25-2012, 03:38 PM

البارت الـ 168

على الساعه 11 الصبح . .

منصور يدق بقوة : عذور وصصصصصصصصصصمخ . .

عذاري تصارخ : هاااااااااه

منصور : نشي من الرقاد بسرعه . . وفجي الباب الحيييييييين

عذاري تسير صوب الباب بكشتها : شووووووه

منصور : اعوذ بالله . .

عذاري : شو تباااا

منصور : لبسي خلصيني يلا ، ربيعتج ييايه فالميلس

عذاري فاجه عينها: اي ربيعه .

منصور : شدراني امي قالتلي اقولج . .

عذاري : لا تتمصخر قول

منصور : حصوه اظن

عذاري : احلللللللف . . فديتتتتتتتتتتتتتتتتها . . الحين بي

سارت تغسلت بسرعه ونزلت تحت . . ماكشخت ولا سوت اي شي . . طلعت ب برمود نوم احمر مع تيشرت اسود عليه هيلو كيتي . .

دشت الميلس بقوه وهي تربع : حصصصصصصصوه

سلطان فج عينه . .

1

2

3

4

5

عذاري مصدومه ماتتحرك وتتلعثم : سس . . سس . . سس . . للل . . طااان . .

سلطان مبتسم : بسم الله .. منو انتي

عذاري يايه ترد بس سلطان زاعق

سلطان : تعااااااالي والله ماتروحين . .

عذاري مغطيه ويهها بايديها : شوي وبرد

سلطان : تعالي تعالي ما بطول والله . .

عذاري ردت وهيه منحرجه موت ووتوعد لـ منصور فخاطرها . .

سلطان يمد ايده : صباح الخير . . .

عذاري تسلم عليه وتمد ايدها : صباح النوور . .

سلطان يتقرب ويبوس خدها : صباح الكشه . .

عذاري بحيا : سسسسسسسلطان

سلطان : هههههههه . .

عذاري : منصور الكلب الحيوان الخايس . . قالي ان حصوه

سلطان فاج عينه : عشان حصوه طلعتي جيه

عذاري : هيه بعد شو . .حصوه عادي تشوفني جي . .

سلطان مبتسم بخبث : وانا ليش مش عادي

عذاري ميته حيا

سلطان : ههههههههههه . .

عذاري ادق صدره : لا تضحك ياالسخيييف . .

سلطان : فديت هالكشه . . ماتوقت كشتج جي ناقزه " يبالغ "

عذاري تعدل كشتها بايدها : اكرهك

سلطان قابض ضحكته ويكششها اكثر : روعه اصلا

عذاري : سلطااااااااان

سلطان يبتسم لها بحنان : عيون سلطان انتي . .

عذاري بحيا : انت حق شو ياي من الصبح

سلطان : قلبي دليلي . . حاس اني بشوفج جيه عسبت جي يييت

عذاري : نذذذل

سلطان يبتسم : مش امس تقوليلي تبين تشوفيني اخر مره قبل مده العرس ؟ كاني ييتج . .

عذاري : عاد ما قلتلك من صباح الله خييير

سلطان : هيييها المفروض تقولين لي تم معاي من الصبح لين فليل لاني عقب 4 ايام ما برمسك ولا بشوفك وبشتاقلك . .

عذاري تبتسم بحيا

سلطان : هبله صح

عذاري : ليش تقولي هبله

سلطان يقرص خدها : لانج هبله ماتدرين جي تتبووسمين . .

عذاري تطالعه بحيا . .

سلطان : قعدي جي واقفه . .

يقعد سلطان . .

عذاري : بروح بكشخ وجي وبردلك

سلطان : خلج خلج . . " يسحب ايدها " قعدي خلاص

قعدت قريب منه . ..

سلطان : خلصتي زهبتج . .

عذاري تطالع سلطان : لا . .

سلطان فاج عينه : ليش ان شاء الله شو تترييين ؟؟

عذاري : ما يودوني السووق . .

سلطان : للحين ما خلصتي شي

عذاري تطالعه ومبوزه . .

سلطان : كلمي منصور قوليله

عذاري : بقوله اليوم لكن لازم خواتي وياي يختارون لي ويساعدوني . .

سلطان : تبيني انا اوديج " يبتسم "

عذاري : لا ما يصير تشوف زهبتي . .

سلطان : ماعليج انا انسى بسرعه . . بشوفها وبنسى

عذاري : لالالا ما يصير . .

سلطان : محتايه شي ؟ ناقصنج شي

عذاري : المهمر فالحساب بعدني ما هبشت منه

سلطان : بيمديج في شهر تخلصين

عذاري : هيه بعد شو . . انت ماخذ وقتي كله الحين عشان جي ماعندي وقت . . لكن فهالشهر بروم اخلصص

سلطان يرد خصلات شعرها ورا اذنها : على خير ان شاء الله . . " يبتسم " شو عن الدراسه . . قدمتي فالكليه ولا . .

عذاري تطالع سلطان : سلطان اانا ماروم اكمل دراسه . . ود اوراقي اي مكان بشتغل بشهادة الثانوية لو براتب بسيط

سلطان : خلينا نعرس اول عسبت ما ترتبطين ف دوام . . وعقب العرس بقدم لج ع كذا مكان . .

عذاري تبتسم : ان شاء الله

سلطان انتبه انها لابسه برمود ومسك اذنها وقرصها ع الخفيف : عذور

عذاري : آآآي . . بلاك

سلطان : شو لابسه انتي . .

عذاري : بسم الله شووووو . .

سلطان : كيف تطلعين جيه جدام حصيص

عذاري تطالعه وتوخر ايده : انزين ليييش شفيه لبسي . .

سلطان : مش جنه قصير وايد ؟

عذاري بحيا استوعبت انه شافها اول مره بلبس قصير . .

سلطان يبتسم : جاوبي . .

عذاري : لا مش قصير وايد . . وبعدين كلنا بنات عادي . .

سلطان يبتسم : حلو عليج القصير ع فكرة . . " بس كان يبا يلفت انتباها ويحرجها لانه شاف القصير "

عذاري تصد الصوب الثاني وابتسم سلطان . .

منصور يدخل : هااااااا . . شو تسووووووون

نقزو . .

عذاري + سلطان : بسم الله . .

منصور : بذمتك ما تروعت يوم شفتها

سلطان : افف يا ريال بغيت اشرد . .

عذاري تطالعه : انزين يا سلطان . . " توقف "

سلطان يمسك ايدها ويبتسم : امزح . . اقعدي

عذاري : وخر ايدك مابا

سلطان فاج عينه : قلتلج امزح . . اقعدي بلا حركات . .

منصور : اووب مره ثانية سلطان يبالي ازقرك تيها فوق اول ما تبطل الباب . . اسبوع ما بترقد

سلطان : ههههههههههههههههههههههههه

عذاري تطالع سسلطان : تضحك بعد . . بدال ما تدافع عني . .

سلطان يبتسم . : منصور . . يوز عنها خلاص . .

منصور يجب له شاي . .

سلطان : منصور افضى لعذور شوي . . خل تسير تخلص زهبتها ما سوت شي

منصور : انا فاضي . . اي وقت عذور تبين خبريني بوديج . . الا الصبح انا دوام . . عقب الدوام افا عليج لج وقتي كله . .

عذاري ابتسمت . .

سلطان بصوت واطي : اي شي تحتاجينه خبريني . .ولو نقصج شي خبريني . .

عذاري : ان شاء الله

سلطان يقوم : عيل انا بترخص الحين . .

عذاري : ويييين توا الناس . .

منصور : بنسير نختار اثاث للشقه

سلطان : افففف . . اسميه اخوج ما يحفظ سسسسسر . !! انا ما قلتلك انجعم اسكت لا تخبرها

منصور : نذل كيفي . .

سلطان يقوم : تبين تختارينه انتي بنفسج ؟

عذاري : لا . . ذوقك اكيد بيعيبني . .

سلطان : صدق ما تبين تين معانا تختارين بنفسج

عذاري : لاااا روح انت ومنصور واختارو الي تشووفونه حلو

سلطان يغمز لها : يمكن تبين بروحج تختارين

منصور : ما فهمتي يا العنزززززز ؟؟ يلمح لج من الصبح يباج تين عشان تكونين معاه . .

عذاري : ههههههههههههههههههه قول والله . . ما فهمتها . .

منصور : هههههههههههههه عنززززز ترى . .

سلطان : ها بتييين ولا ؟

منصور : لا ما بتي .

عذاري :بي بي . .

منصور: قري مكانج شو تبين تين

عذاري : بختار يمكن يعيبني شي

منصور : لا خلج . . " يطالع سلطان " وين نوديها من مكان لمكان وذوق الحريم ياخي ماتعرفه عباله . . بتم ادور 5 ساعات واخر شي بتقول ما عيبني شي . . انا وانت فنص ساعه بنخلص كل شي . .

سلطان : هزرك . .

منصور : هيه يلا خلصني ولا بخليك تسير روحك . .

سلطان : انزين خلاص روح . . خلني اسلم ع حرمتي

منصور ييلس : ماشي ماروم اتحرك انا . .

سلطان : شوف عشان اختك ما تستحي ولا انا ماتفرق عندي

منصور يجب له شاي مره ثانية : انا يالس ما بتحرك من مكاني . .

سلطان يتقرب من عذاري ويبوس خدها قريب من اذنها ويهمس : احبج . . اشوفج ع خير . .

اما عذاري ماتت من الحيا وطلعت من الميلس وهيه تركض

01-25-2012, 03:39 PM

البارت الـ 169

عنود تتصل فيه . . ورد عليها على طول . .

عنود : . .

محمد بصوت تعبان : الوو

عنود : راقد ؟

محمد : هيه . .

عنود : وين راقد

محمد : عند ابوي . .

عنود : ابي اشوفك

محمد يفتح عينه بتعب : فيج شي

عنود : لا بس ابي اتكلم معاك

محمد : تكلمي معاي اهني . .لانج ما راح اطيقين تشوفيني . .

عنود : . .

محمد : قولي الي بخاطرج عنود

عنود : انا اسفه على الي صار

محمد : لا تتاسفين ع شي فديتج . . انتي ما غلطتي في شي بالاساس . .وهالشي مش بايدج

عنود : انا خايفه . .

محمد : خايفه ؟

عنود : خايفه لين اربي تكون رحت من ايدي

محمد : . . .

عنود : تحمل ع روحك . .

محمد يتنهد : وانتي بعد تحملي ع روحج . .

وبندت عنه ومسحت دمعتها . . شوي واندق الباب ودشت عذاري .

عذاري : سوري ادري ازعتجتج . . فاضيه ؟

عنود تبتسم : هيه ادخلي . .

عذاري : لا مابا ادخل . .اباج انتي تطلعين

عنود عاقده حياتها : وين ؟

عذاري : اباج تساعديني فالزهبه . . ماشي وقت باقيلي شهر و4 ايام !!! وتشوفين خواتي كل وحده فمكان . . مهور شوي الاقيها اهني وفجاه في دبي . .ورواضي ما ينعرفله ريلها مرات يرخصها ومرات يباها اتم وياه . . مسوين عروض ف داماس واليوم اخر يوم للعروض . . ابا حد يي وياي . . اتصلت ف حصيص قالت انها فالشارجه وبتساعدني باجر . . وانا ضروري اروح اليوم لانه اخر يوم للعروض . .

عنود : فالج طيب

عذاري : صدق والله . . ما بتعبج ؟

عنود : لا حبيبتي . . " تبتسم " خليني ألبس بس

عذاري : فديتتتتتتتج انا . .

وطلعت عنها . .

عنود طرشتله مسج " انا بروح مع عذاري . . تبا تخلص حق الزهبه "

عقبها بدقايق وصلها مسج " توكلي على الله . . ديري بالج على روحج عنود ما اوصيج . . ولو احتجتي شي دقيلي على طول "

عنود شافت المسج وابتسمت بحسره . . : عنود ؟ وين كلمه حبيبي يا محمد . . وين كلمه حياتي . . وين الدلع كله . . " تتنهد " انا حاسه اني بخسرك . . حاسه انك ما راح تكون لي اكثر عن جي . . " تبتسم بعذاب "

.

.

.

مهره : خلاص خلني بروحي . .

سيف : ليش ماتبيني اقعد حتى معاج . .

مهره : سيف يوم قلتلي اقعدي لين يخلص المغذي قعدت بدون جدال .. ممكن تخليني ارقد فحجرتي بدون حنه ورنه الحين ؟

سيف : على راحتج . .

وطلع من الغرفه . . دخل حجرته لكن حس بكآبه وطلع من الشقه . .

>

<

ناصر : الو ؟

مهره تصيح : . .

ناصر : مهور شفيج . . شو مستوووووي ؟؟؟

مهره : ناصر انا حامل . .

ناصر : شووووووو . . الف مبروووووووووووووووووك حبيبتي الف مبرووووووووك . . " تنزل دمعه فرح " واخيرا بصير خاال . .

مهره : . .

ناصر : ليش تصيحين خبريني . . شوه بلاج

مهره : مابي منه ضنا . .

ناصر : استغغففففففري ربج يا اختيه . . شو هالكلام يالغاليه . . ماحيدج جذه . .

مهره : مابا منه شي

ناصر : لالا مهور . . الله كاتب هالشي . . والحين انتي حامل مالج حق تعترضين . . يا حماره بتصيرين ام . . بتيبين نونو . . بتيبين ضنننننا يقولج ماما . .

مهره انعصر قلبها : واي . .

ناصر يبتسم : حلو الشعور ليش تحرمين نفسج مننه ليش

مهره : لاني

ناصر يقاطعها : لانج شااااله على سيف . . وانا معاج ما قلت شي . . لكن الضنا شدخله حرام عليج . .

مهره تبتسم : صح ماله دخل . .

ناصر : استانسي يختي . . وايد ناس محرومين ويتمنون . . وانتي الله اكرم عليج وحملتي . .

مهره : معقوله اقدر استانس

ناصر : معقوله . . وسيف مش اول انسان فالدنيا غلط . . كل ابن آدم خطاء، وخير الخطَّائين التوّابون

مهره : بس سيف ما يتووب

ناصر : بيتووب . . عطيه فرصصصه

مهره : عطيته فرص وايده

ناصر : وبعد عطيه فرص اكثر . .

مهره : ليش هو ما يستاهل اعطيه اكثر

ناصر : يستاهل لانه بيصير ابو الياااهل الي في بطنج

مهره صخت . .

ناصر : يستاهل دامه بيصير بو عيالج . .

مهره : . .

ناصر : يستاهل لانه ريلج . .

مهره : . .

ناصر : يستاهل يالغاليه لانه الشخص الي تحبينه . .

مهره تدمع : يستاهل . .

ناصر يبتسم : هيه يستاهل . .

مهره تمسح دموعها . . : انا حامل نصوور . .

ناصر : هههههههههه فديتتتتتتت اختي انا . . واخيرا واخيييرا . .

مهره تبتسم : مشكور ناصر . . صدق كنت محتاجه اسمع هالكلام ..

ناصر : وانا ما قلتلج الا كلام الحق يالغاليه . .

.

.

.

سيف : راامي . . عاش من شافك . .

رامي : استاز سيييييف . . " يسلمون ع بعض "

سيف : ولاك وينك انتاااا > يرمسه لبناني

رامي يبتسم : انا هووون . . انته الي وينااك . . ما عام نشووفاك ابدا . .

سيف : هون يا ريال . . بس الظروف

رامي : شو هالظروف الي ما بتخلييييص

سيف : شفت كيف . . انا اكثر انسان ظروفي ما تخلص . .

رامي : لك نسيت آلك ، الله يرحم والدتك . .

سيف : اميين امين ان شاء الله

رامي يبتسم : شوو . . ليش ما عم اشوفك مبسوط

سيف يبتسم : الحرمه يا ريال زعلانه

رامي : مدام مهره " يبتسم " كتير بتزعل . .

سيف : ههههههه حسيت يعني . .

رامي : مو منها . . من الي بيزعلها . . رووح خدددلها هديه وراضها

سيف : هيه والله . . من زمان ما خذتلها شي . .

رامي يبتسم . .

سيف : دومك تنقذني يا رامي . .

.

.

.

فـ السوق

دشت عذاري داماس وخلصت . . اشترت 7 سوع . . وخذت لها عقد ذهب ابيض وعقدين ذهب اصفر . . وعلاقه خفيفه ألمآس . .

طلعت من محل الذهب وتمت تدخل محلات الملابسس . . محل ورى محل . . اشترت تقريبا فوق الـ 30 بدله . . واشترت اكسسوارت . . ختمتها في محلات النعله " الله يعزكم " شرت كل الي يدخل خاطرها وحتى الي تقول عنه عنود حلو خذته عسبت تخلص شوي وينزاح شوي هم عنها . .

على الساعه 9 فليل . . وصلو البيت ومعاهم أكياس الدنيا . . وشرو عشا حق البيت . .

عنود اول ما دخلت شافت محمد قاعد فالصاله ويسولف ويا ام عبدالله وعبدالله . .

عبدالله: وعثره خلصتي السوق كله . . ماتم شي اظن

عذاري : وااااااي الحمممممدلله زين مني حصلت اشياء حلوه . . " تكلم الخدامه " وديه كله فوق . .

عذاري : محمد شحالك . .

محمد : تمام ربي يعافيج . .

ام عبدالله : تعالي فوق راويني شو شريتي . .

عذاري : لا امايا خل نتعششششا قبل ببموت يوع

ام عبدالله : اول راوييني الذهب عقب بنسير نتعشا . .

عذاري : يالله . . " تكلم عنود " يوم بتنزل الشغاله قوليلها تزهب العشا عشان ناكل . .

عنود : اوكي حبيبتي . .

وراحو فوق . .

عبدالله يقوم : انا بروح اقولهم ييبولكم عصير . . " يبتسم ويطالع عنود " خبري امايا اني بمر على روضة بشوف عيالي وبتعشا عندهم . .

عنود : اوكي . .

وراح . .

عنود تسير صوب محمد : شحالك . .

محمد يبتسم : بخير . . ماشاء الله بسرعه تعودو عليج . .

عنود : هيه . . ومش محسسيني اني غريبه ابد . .

محمد يبتسم : حلو . .

عنود : ما توقعتك تمر علي . .

محمد يسير صوبها وييلس حذالها : وليش ما امر عليج . . ؟ مش حرمتي وواجب علي . . " يبوس راسها " وبعدين وحشتيني . .

عنود تطالعه : وحشتك . .

محمد يطالعها بحب : والله وحشتيني . .

عنود تصد الصوب الثاني وتذكر كلام ام عبدالله امس !

>

<

عنود : خالوه انا من حملت . . الحين بدخل فالثاااامن وانا ماخليته يلمسني ولا يقرب صوبي !!

ام عبدالله مصدومه : كيييييف . .

عنود تنزل راسها . .

ام عبدالله : 8 شهور يا عنود ماتشوفينها وايد . .

عنود : وايد . .

ام عبدالله :الريال يحس ان الحرمه صدق عايفتنه . . عفيه على محمد ياعنود دامه استحمل . . لا تتكرينه ولا تقسين قلبج عليه . . وان كانج خسرتيه فالبدايه حاولي الحين تسحبينه صووووووبج . .

>

<

محمد : بشو تفكرين . .

عنود : هاه . . مافكر بشي . .

محمد : بلا تفكرين . .

عنود : راح تنام اهني الليله ؟

محمد : لا . . " يبتسم " ييت اسلم عليج بس . .

عنود : نام اهني اليوم . .

محمد يطالعها . .

عنود تطالعه

محمد فهم عليها . .فهم الي تبي توصله شوه . .

محمد : متاكده . .

عنود تهز راسها بمعنى هيه . .

محمد يبتسم ويقرص خدها : اوكي . .

عنود : قوم خل نقولهم يزهبون العشا عشان نتعشا . .

محمد : يلا . .

01-25-2012, 03:40 PM

البارت الـ 170

.

.

.

حمد يدخل عليها : شوتسوين . .

سلامه : إلي تشوفه . .

كانت قاعده تقرا قرآن . .

حمد يبتسم : تبين شي ؟

سلامه تهز راسها بمعنى لا . .

حمد يمدلها المفتاح واستغربت . . : هذا مفتاحج . . ما راح نقفل عليج اكثر . .

سلامه : انا مش ويه ثقه . . لا تثق فيني . .

حمد : الي يتقرب من ربه بالدرجه الي انتي تتقربين فيها من الله . . يخلي الواحد غصب يثق فيج . .

سلامه تمتزر دموعها : حمد . .

حمد : امري . .

سلامه : ابا اروح الحج . . اول ما يصير وقته ودني . .

حمد يبتسم : من عيوني . .

سلامه تمتزر عيونها دموع : يصير احظنك ؟

حمد : يصير . .

تقربت منه وحظنته وتمت تصيييييييييح وتنوح . . وهو يربت ع ظهرها ويقولها . .

حمد : الله المسامح . . الله الكريم الغفور . . ما صار شي . . انا معاج راح نمسح السواد كله الي صار فحياتج . .انتي اختي بنت امي وابوي . . ما راح اتخلى عنج ابدا . .

.

.

.

عذاري : حصيص مش تخونين فيني من الحين اقولج . . باجر من الصبح بنطلع ..

حصيص : خلاص قللتلج اوكي !!!

عذاري : يالله فارجي بروح اتعشا بموت يوع . .

حصيص : بااااااااااااي . .

عذاري : باي . .

عقب العششا . . الكل راح غرفته يريح . .

محمد اول ما دخل الغرفه شاف عنود .. انصدم من الي شافه !!!!

CUT

" عقب 10 دقايق "

محمد يصارخ : بسسسسسس تعبت . . مش حاله هاي مش حااااااله . . ليش تزقريني بالاساس وانتي مش طايقتني لييييييش . .

عنود تصيح وراحت الحمام وتمت ترجع . .

اما محمد كره روحه وتم يدق ايده فاليدار مره ومرتين وثلاث ليش حس انه بينطرر من الغيض اكثر واكثرررر وطلع من البيت . .

.

.

.

دخل سيف الشقه وهو منصدم من الظلام . . انتبه لشموع ع الارض . . وايد استغرب . . لحق الشموع الي مرتبه بشكل خيالي بألوان حلووه . . نهاية الشموع كانت غرفتها . .

سيف يدق عليها الباب باستغراب : عادي ادخل ؟

بلع ريجه يوم شافها وانصدم . .

مهره لابسه فستان احمر مررسوم على الجسم . . فاله شعرها الوسط الاشقر بطريقه مرتبه . . منزله قصتها ويايبتنها على طرف . .راسمه الجحال الاسود على عينها من فوق ومن تحت مع جحال ابيض داخل العين وروج احمر فاقع . . لبست لها عقد ابيض ذهب يلمع من بريقه . . مع شغاب صغير وخواتم راقيه وساعه اليديده . . Guess

اول مادخل عليها شافها تتعطر وتحط دهن العود . .

سيف ماقدر ينطق بـ ولا حرف . .

صدت له بحيا وهيه تغمض عينها : ليش ييت . . جان تاخرت اكثر . . بعدني ما خلصت . .

سيف مسحور من الي يشوفه : تخلصين . . ليش في شي اكثر عن الي انا اشوفه . .

ابتسمت له وقامت . . تقرب صوبها وهو بعده مذهول وما يتكلم ولا يقول شي غيير

سيف : ماشاء الله بسم الله . .

مدالها الباقه الي فايده : يت فوقتها . .

مهره تبتسم وشلت الباقه عنه وحطتها ع السرير . .

تمت عقبها تطالعه من غير ما تتكلم . .

عقب هدوء وارتباك بسيط .!

مهره : انا اسفه لو كدرتك بهالفتره . . " تطالعه عين بعين " بس انت كنت تستاهل الي حصلته مني . . لكن اانا ماقدر اقسى عليك اكثر عن جي . . " تنزل راسها " قلبي ما يطاوعني . .

سيف يرفع راسها . .

مهره : محد فالدنيا راح يحبك كثر ما انا احبك . . محد فالدنيا راح يستحمل كل شي تسويه كثري . . تبي تجرحني اجرح . . تبي تعذبني عذب . . تبي تضربني اضرب . . كل هالاشياء ما راح توقف حبي لك وعشقي لك . . وما راح توقف نبضات قلبي الي تنبض بحرفك . .

سيف يغمض عينه من روعه الكلام . .

مهره : انا مالي غيرك . .

تتقرب منه وتحظنه : وانا مسامحتنك ع كل شي

انصب الدم كله فويهه . . مات . . ماقدر اوصف شعوره وهو يحس بقربها وهو يحس انها بين ايده وهو يحس انه مهرتـــه الي يعرفها رجعتله وبين ايديه . .

سيف : ماعرف شـ ارد عليج والله . . كل الحروف وكل الكلام انمحى . .

مهره تحظنه بشوق . . بـ لهفه . . تعوض عن كل لحظة انحرمت منه . .

سيف يوخرها عن حظنه لكنها تحظنه اقوى . .

سيف : خليني اشوفج

مهره : مابيك تشوف دموعي . .

سيف يوخرها بقوة ويشوف ويهها ويمسح دمعتها : ليش تصيحين . .

مهره : على الايام الي انحرمت فيها منك . . .

سيف يبتسم بعذاب : لا تقولين جي قلبي يعورني . .

مهره : . .

سيف :انا السبب في كل شي صارلج . . ابا اوعدج . .ابا اقولج كلام وايد لكن ادري ما راح تاثر فيج وعودي لاني ياما خيبت ظنج . . كل الي اقدر اسويه اخليج تشوفين بعينج اني راح اسعدج قد ما اقدر . . ماراح اكرر اي غلطه شفتيها مني . . ااذا انتي تحبيني مره انا احبج مليوون .. " يفتح عينه ع وسعهن " انتي نظر عيني . . انتي روح سواف تعرفين ولا لاء . .

مهره تبتسم . .

سيف يحظنها بقوة . . : الله لا غير علينا في يوم . .

مهره : اميين . .

سيف : وخري شوي . .

مهره : شوو . .

بعدها عنه ونزل ع الارض وحطا ايده ع بطنها . . ابتسم بحنان فظيع . .

سيف : انتي السبب . . انتي الي بتخلينا نرجع شرات قبل واحسن . . ما راح انسى ماراح انسى ابد هاليوم والفضل لـ الله ثم لج . . انتي بتجمعين امج وابوج مره ثانية . . " تقرب من بطنها وحظن بطنها " الله يخليج لي يا عيون باباتج . .

مهره تبتسم : ليش واثق انها بنت . .

سيف يبتسم : احساس . . البنت دومها حنان وتصفي قلوب الزوجين . . الولد نحيس . .

مهره : ههههههههه

سيف يبتسم : لا تضحكين . . كل شي فيني ينولد من اول ويديد يوم تضحكين . .

مهره تقعد ع السرير . . قعد حذالها وبس يتأملها . .

مهره : لين متى بتم تتطالعني . .

سيف يسحب ايدها ويخليها ع قلبه : شوفي شكثر يدق . . قلبي متخبل . .

مهره تنزل راسها . .

سيف : انا احبج والله . .

مهره : وانا احبك والله . .

سيف يحط ايده ع ويهها : شكثر حنيت لـ مهرتي الجديمه

مهره تبتسم . .

سيف : مش مصدق حتى انج رجعتيلي الي اعرفها . .

مهره : صدق . .

سيف : صح نسيت اعطيج شي . .

طلع ورجعلها ومدالها كيس . .

مهره : شو هذا . .

سيف : افتحيه . .

فتحته ولقت عقد يلمع من فصوصه . .

مهره تطالع العقد بتمعن : يجنن . .

سيف سار صوبها وبطل العقد الي كانت لابستنه ولبسها اليديد . .

سيف يطالع : انتي الي حليتيه . .

مهره تبتسم : تسلم حبيبي . .

سيف يطالعها : شو قلتي

مهره تبتسم : بتسويلي حركات اول العرس . .شو قلتي وما سمعت . .

سيف : والله اشتقت اسمعها . . لا تحرميني عيديها . .

مهره : احبك حبيبي . .

سيف يعض شفاته بالقو : اموووووووت انا اموووووت . .

مهره تبتسم : بسم الله عليك حبيبي . .

سيف يطالعها : تبين تقضين علي انتي صح . .

مهره : لا حشى . .

سيف : قربي صوبي قربي . .

01-25-2012, 03:43 PM

البارت الـ 171

محمد : شوووووووو ليش معصب صخي عني تناهيد مش متفيق لج . .

تناهيد تصارخ : انت وين

محمد عاقد حياته : شوه

تناهيد : انت وين بمر عليك

محمد : تتمصخرين

تناهيد : ارمس جد !!!!!!!!!!!!!!!!

محمد قالها وين موقف السياره . . و تمت معاه ع الخط ساكتين لين وصلت وبركنت صوبه ونزلت من سيارتها وركبت سيارته وقعدت جدام ومحمد متفاجأ ما يرمس . .

تناهيد : شووو . . بح صووتك . . اختنقت ما تروم ترمس ؟

محمد بعده مذهول وساكت . .

تناهيد :يالله اتكلم قوووووووول بلاك . .

محمد بعده ما يروم يرمس . .

تناهيد : شايف جني . . ادري ويهي مصفع لانك ما تخلي الواحد يرقد لكن ما عليك طنش ويهي وارمس اشوف لان رمستك مش عايبتني واباك ترمس وبتم اصفعك طراقات . .

محمد ابتسم غصب . .

تناهيد : قوووووووول خلصني لا تضحك

محمد : شوه تبيني اقول يا بنت الحلال خلاص ماعرف شقول كل شي تبخر

تناهيد عاقده حياتها : لا والله

محمد : هيه والله العظيم . .

وماتم يشوفها تم يشوف جدام . .

تناهيد : شوف كيف ما تقدر تواجهني . . لانك عارف انك غلطان . .

محمد يطالعها : مش غلطان

تناهيد : لو مش غلطان جان جفتني عين بعين وقلتلي فويهي الي فيك بدون ماتخاف وبدون ما تتلوم لكن

محمد : انا مش خايف ولا متلوم . . انا مفتشل منج

تناهيد :لا محمد . . انت مش مفتشل مني ولا شي . . انا سويت ها كله وتعنيت وطلعت من البيت عشان اوريك انك انت الغلطان . . الواحد يوم معصب يبين انه هو الصح قد ما يقدر !! يوم يهدا اذا كان على رايه بيصصصصر وبيرمس بثقه وبيعطي اسباب ومبررات وبيشرح . . لكن انت كنت معصب وطلعت نفسك الصح ويوم هديت ماعندك شي تقوله ..

محمد سكت . .

تناهيد : حرمتك الي فيها ابتلاء من الله . . مش ذنبها ان وحامها ما خلص لين هالوقت . .

محمد يعض ع شفايفه بقو : انا ريال . . ولي حق بعد عليها . . ولي حقوووووق زوجيه محروم منها من حمممملت . .

تناهيد : بس ؟ ها الي هامنك . .حقوق زوجيه

محمد عاقد حياته : انتي ماتعرفين شي لا اطلعين روحج صح

تناهيد : اخخخخخ عليك طحت من عيني

محمد فاج عينه : ليش ان شاء الله . . لا دخيلج ارفعيني مره ثانية . .

تناهيد : ياااالبببببببغل . .

محمد : بغل ريلج

تناهيد : بغل انت

محمد : بصمج بطراااااااق

تناهيد : يالله اشوف راااااااااوني

محمد ابتسم : انتي ايه لا تستقوين علي . . ترى انا امد ايدي ع البنات ما اخاف

تناهيد : هيه باين ترى . .أشوف السياره ترجف حتى من الزياغ

محمد ابتسم اكثر : فكيني خلاص

تناهيد : انت ايه انا ارمس جد !!!!! حقوقك الزوجيه الي انت ميت عليها

محمد يقاطعها : تناهيد انا ما قلت اني ميت عليها . . بس انا اقولج اني محروم منها وصابر ع بعدها وصابر انها ماترمسني ما تلمسني ما تهتم فيني ما اداريني . . يا بنت الناس اناا اصلا من انولدت وحيد يت ع الحين سكتي بس سكتي

تناهيد : انا معاك ما قلت شي . . انت انحرمت وانت وانت وانت لكن حط في بالك شغله وحده

محمد :الي هي

تناهيد : لا تعاتبها على شي . .

محمد يطالع تناهيد بتمعن . .

تناهيد : لان الي فيها ابد مش بإيدها . . وحرام تعاقبها عليه . . كفايا الضنا الي بتيب لك اياه " تبتسم "

محمد ابتسم . .

تناهيد تبطل باب السياره بتنزل بس طاحت شطنتها وطاحن الاغراض الي فالشنطه ..

تناهيد : انا متى يبت ششششششنطه اصلا . . والله من كثر ما كنت مستعيله ما حسيت .

تمت تشل الاغراض . . ويوم يايه بتنزل

محمد : تناهيد . .

تناهيد تصد : هاه

محمد يصد عنها و يشوف جدام : لا تروحين . .

تناهيد بلعت ريجها ..

محمد : تمي اكثر شوي . .

تناهيد : ما فهمت يعني اكثر ولا شوي ؟

محمد يبتسم : انزلي من السياره احسن

تناهيد : ههههههههههههههه " صكت باب السياره "

ابتسم محمد

تناهيد : صدقت انت . .شقيت الحلج ؟ انا يييت لهدف واحد وخلاص اعرف انك فهمته . . مافيني اتم وياك اكثر وتتعلق فيني وتحبني . . ادري جمالي فتان

محمد : يا بنت الناس وين الفتان فالموضوع . . سكتي سكتي جنج ربيعي يالس

تناهيد : انا ربيعك يالبببغل

محمد : بلاج انتي ع البغل

تناهيد : فيكم شبه . . .

محمد يطالعها : انزلي من السياره خلاص

تناهيد تنزل : اصلا انا كنت نازله من غير ما اخذ شورك اوكي ؟

ونزلت وسدت الباب بالقو . . وعلى طول ياه اتصال . .

ام عبدالله : حمممممود انت وين

محمد : اهني خالوه جريب شصاير

ام عبدالله : تعال المستشفى الحين . . عنود تولد

محمد فاج عينه : توووووووووولد . .توه الناس بعدها فالثاممممن

ام عبدالله : ياها العوق وتعبت يالله تعال لا تبطي . .

محمد : يياي فالطريييييج ..

وبند ع طول حرك . . واستغربت تناهيد ودقتله ومارد عليها . . انصدمت من حركته وايد بس ما قالت شي . . وردت البيت . .

.

.

.

على الساعه 10 الصبح . .

مهره تنش على رنة المبايل . . : ألوو . .

عذاري : مهووور

مهره : بلاج شو مستوي

عذاري : وينه سيف . . تعالو راك

مهره : شووووووه مستوي ارمسي روعتيني

سيف يفتح عينه : شوه مستوووي

عذاري : عنوود تولد . .

مهره : ولدت ؟؟؟

عذاري : لا . . من الساعه 5 الفير للحين وهيه تتويع

مهره : بس عنود مش شهرها

سيف يقوم : شوه بلاها عنود

مهره : تربي . .

سيف : شوووووو

عذاري : مادري بس الدكتوره قالها الي فيها عوق ولاده . .

مهره : يالله شوي وبنيكم . .

عذاري : اوكي حبيبتي " تمسح دمعتها "

مهره : عذوووور . . جي تصيحين ؟

عذاري : امس ماكان فيها شي " تصيح اكثر " يالسه احوط وياها ونتشرا لزهبتي ماكان فيها شي . . ماعرف شو ياها ..

مهره : ماعليه بتقوم بالسلامه ان شاء الله . . يالله عاد خلج قويه جدامهم . .

عذاري : ان شاء االله . .

مهره : يالله حببيبتي . .

عذاري :لا تتاخرون . .

مهره : ان شاء الله . .

سيف : هيه بعدها صح

مهره : هيه فالشهر الثامن

سيف : وتقدر تربي وهيه ما دخلت التاسع ؟

مهره : هيه فالاسبوع الثاني مادري الثالث فالثامن . . فـ عادي ماعليها شر ان شاء الله

سيف : يالله قومي خلينا نروووح

مهره : يالله . .

سيف : صبري

مهره : شو . .

سيف يبوسها ع يبهتها : صباحج خير حبيببي . .

مهره تبتسم : صباحك ورد . . يالله نش عشان ما نبطي عليهم . .

سيف : يالله . .

01-25-2012, 03:44 PM

البارت الـ 172

حمد يمد حق محمد كوب ماي وممحمد يهز راسه بالرفض " بمعنى مابا "

حمد يشل القران من ايد محمد : اشرب ماي . . من 5 ساعات وانت تقرا ما شليت عينك من القرآن . . اشرب ماي شوي ع الاقل وعقب رد اقرى . .

محمد وعيونه ممزوره دموع يطالع حمد . .

حمد يبتسم : انت خبببببببله . . حق شو مستغبن

محمد يحط صبع الابهام والسبابه مع بعض ع عيونه الهنتين ويرص ع عينه بالقو عسبت الدموع ماتنزل .

حمد : ياا اخوي ليشش

محمد يطالعه : شوه ليش . . شوفها كم كملت .. قلبي متقطع .. انا حيووووان . . انا ماتحملتها ما داريتها

روضة تي صوبه : محمد الله يهديك ما يستوي جذه . . استهدا بالله . . بتقوم ان شاء الله بالسلامه . . انت تتحرا 5 ساعات يعني وايد ؟ وييييين ناس يتمون يومين وثلاث

حمد يطالع روضة ويبتسم : هو ناقص تحبطينه . .

روضة تبتسم : بالعكس اخفف عنه

محمد ما يبتسم ولاقادر يكون معاهم فالمود . . : لو صار شي ف عنود ما بسامح نفسي

حمد : ياريال ما بيصير فيها الا كل عافيه . . " تذكر شي " انا بروح وبرجع

وطلع بسرعه من المستشفى

محمد يطالع ام عبدالله : خالوه ادخلي شوفيها

ام عبدالله تدعي : لو يدخلوني جان دخلت ابويه

محمد : ياااااارب تقوم لي عنود بالسلامه ياااااارب . .

يرن مبايل روضة . .

روضة : الوو

فهد : هلا طمنيني ربت ولا

روضة : لا بعدها

فهد : يحليلها مش جنها طولت

روضة : هيه طولت . . مسكينه . . ومحمد وايد تعبااان محد تام معاه

فهد : تبيني اي ؟

روضة : لو تقدر تي تعال . . احسه غامضني بس يقرا قران ويرجف وخايف وحمد كان يهون عليه بس حمد راح مادريبه وين . . وسيف ماوصل

فهد : خلاص بي الحين . .

روضة : نزل اليهال بيت امي . . الخدامات اهناك يعرفون لهم

فهد : لا بنزلهم بيت اهلي

روضة : بس ريموه وجسوم مش متعودين وايد اهناك

فهد : بيتعودون

روضة : مم

فهد : ماتبين صح

روضة : يعني اباهم يتعودون وانا معاهم مش وانا محد اخاف يستوي جي

فهد : الي تبينه فديتج . . بنزلهم بيتكم

روضة ابتسمت : مشكور . .

فهد : العفو . . يالله شوي وبمركم . .

روضة : اوكي

فهد : روضة ؟

روضة : هلا

فهد : ديري بالج ع روحج لين اوصل

روضة بحيا : ان شاء االله . .

قعدت روضة ع الكرسي وتخيلت نفسها مكان عنود . . وتمت تفكر بشكل كبييييييييييييير وخذت وقت واااااايد وهيه تتخيل اشياء ومواقف وتسال نفسها وتجاوب

>> لو انا الحين الي داخل . . واربي . . " تشوف محمد " فهد بتكون جي حالته ؟ لا ماظن . .فهد كبير ورزين ما بيسوي سوات محمد . . بتيم يتريا ويدعيلي لكن ما احسه بيتوتر . . محمد يحب عنود وااايد وهالشي بان فيه اليوووووم . . انا فهد شكثر يحبني ؟ كيف بقدر اعرف حبه . . مستحيل تيني الجرأه اقوله .. " تبتسم " بعدين عنود حلوه وكشيخه وصغيره . . اما انا " تنزل راسها " كل شي فيني عادي . . وحتى ستايلهم فاللبس انا غير . . احب المخور . . احب الجلاليب احب المغربيات . . ماحب البس مرصص . . معقوله هالشي يأثر يخلي الريال يحب حرمته اكثر ؟ هيه صح بلا اكيد . . بس انا اكشخ لفهد واترتب له والبس له كل شي راقي . . "تقطع افكارها عذاري "

عذاري : روضوه بلاج في شوه تفكرين . .

روضة تطالع عذاري : عذور شو رايج فيني

عذاري استغربت من السؤال : كيف يعني ..

روضة : يعني لو كنتي ريال كيف بتحكمين علي

عذاري : اتخبلتي . .شو هالسؤال

روضة تتنهد

عذاري : بلاج خبريني

روضة : احسني ما ألفت انتباه فهد ابد . . شو يعيبه فيني ؟ احس ولا شي . .

عذاري تطالع ورى روضة . .

روضة صدت وانصب الدم كله فويهها . .

فهد : السلام عليكم . . " يطالع عذاري " شحالج

عذاري تبتسم : الحمدلله تمام

فهد : عادي اخذها عنج شويه ؟

عذاري تبتسم بتعب : هيه اكيد

عذاري تحط ايدها ع راسها تحس فيها حمى . . وتمت تعطس وتكح . . كل الي سوته دقت لسلطان . .

سلطان : صباح الخير . . ما بغيتي تتصلين ؟ فالحه اتصبحين لي بمسجات

عذاري : صباح النور " تكح "

سلطان : بسم الله بلاه صوتج . .

عذاري تحاول تعدل صوتها وتكح . .

سلطان : بلاج ؟

عذاري : مادري فجاه جيه

سلطان : بسم الله عليج يالغلا . . ردي البيت يلا عشان تريحين

عذاري : شو ارد البيت عنود بترربي ف اي وقت

سلطان : عذاري يعني انا مش مصدق اني اليوم ويكند وقاعد فالبيت مريح . . لاتخليني اطلع واي اشلج غصب واردج البيت . .

عذاري تبتسم : يالله تعال

سلطان بجديه : خل عنج اللعبان

عذاري : بلاك ترمسني جي " تعطس " الحمدلله . . رمسني زين حرام انا مريضه

سلطان : ولانج مريضه قاعد اقولج ردي البيت ريحي

عذاري : مااااااابي بتربي اقولك عنوود في اي وقت

سلطان : ماعليه اول ماتربي بتردين تين

عذاري : تخيل اول ما اوصل البيت تربي

سلطان : مابا اتخيل شي . . بتسمعين الرمسه ولا شو

عذاري : يالله عاد حبيبي . .لين تربي وبرد والله

سلطان " فديت حبيبي ع لسانج "

عذاري : الووو

سلطان : معاج . .

عذاري : انزين ؟؟؟

سلطان : ماعليه بنشوف . . انزين قومي روحي تعالجي انتي خلي يشوفج الدكتور " سكت شوي " اقصد الدكتورة

عذاري : انا في قسم الولاده

سلطان : عذور انا ادري تبيني اي واشلج غصب

عذاري تبتسم :هيه زين فهمت ! ها الي ابيه . .

سلطان : بتعبيني معاج انتي ..

عذاري : افا الحين انا اتعبك . . هاي رمسه تقولها حق حرمتك

سلطان انقرص قلبه من قالت جي : فديت حرمتي " يبتسم " صح المفروض ما اقول جي . .

عذاري تبتسم : يالله تعال . . انت ودني العياده وانت ردني البيت " تكح وعقب تعطس " خل نستغل امي لاهيه

سلطان : هههههههه انتي بروحج مريضه وبعد تتميكرين . . الله يصلحج يابنت

عذاري تبتسم

سلطان : صدق تبيني امر عليج ؟

عذاري : هيه

سلطان يبتسم : امس شايفتني

عذاري : واليوم بشوفك شفيها

سلطان : مادري منو امس يقولي اخر يوم عشان العرس ومادري وشش

عذاري : كلام عيايز ماعليك مني . . وبعدين اليوم اخر يوم صدقني

سلطان مبتسم : قولي انج ما تستغنين عني

عذاري : ما استغني عنك هالصدق

سلطان : احبج

عذاري بلعت ريجها : ها . .

سلطان : من قال ها سمع . . يالله يالله بسبح وبمرج

عذاري تبتسم : اوكي

سلطان : هيه تشققت العروس

عذاري : ليش ما اتشقق دامك بتي . . بعدين اقولك " تكح "

سلطان : صحه صحه . . شوي شوي بلاج مستعيله ع الرمسه . . ما بطير الرمسه بالهون

عذاري :انزييييين . . المهم لاتكشخ !! ولا تلبس بدله . . ولا تلبس كندوره سودا ولا بنية ولا فيها لون . . حتى بيضا لا تلبس

سلطان عاقد حياته : اي بوزار وفانيله ؟

عذاري :حتى جي بتسحر . .

سلطان ابتسم . .

عذاري قفطت : آآآآآآآآآآآآآ . . المهم البس بيضا بيضا خلاص . .

سلطان : اوامر ثانية ؟

عذاري : لا فديتك بس كافي

سلطان : زين مدام خانوم . . بندي يالله

عذاري : اوكي " تبتسم ". . بيباي . .

.

.

.

روضة متسانده ع اليدار فالممر وفهد مجابلنها . .

فهد : تعرفين روحج قايله كلام مش حلو عسبت جي منزله راسج . .

روضة : . . .

فهد : انتي من صدقج تقولين هالكلام . . معقوله يمر في بالج جيه ؟

روضة تطالعه : . .

فهد يمسك ايدها ويمشي فيها بهدوء لين طلعو برا المستشفى وركبو السيارة . .

فهد ماسك ايدها : ليش ما تقوليلي اياها ف ويهي . . ليش ما تساليني وتقوليلي فهد شو يعيبك فيني ؟

روضة منزله راسها بلوم . .

فهد يرفع راسها بابتسامه : يالله اشوف اساليني . .

روضة تطالعه بهدوء : شوه الي يعيبك فيني . .

فهد : احس اني ما اقدر اعدد لج . . اساليني شو الي ما يعيبك فيني ؟

روضة تطالعه بابتسامه هادية : بدينا بالمجامل

فهد فاج عينه : مجااامل . . مجااامل !!! " يدق يبهتها بخفيف بصبعه " مجامل ؟؟

روضة تطالعه . .

فهد : والله اني ما اجاملج . . " يبتسم " روضة انا احسد عمري عليج . . شفت فيج كل شي كنت احلم فيه . . جمال ورقه واسلوب وحنان وادب واخلاق . .

روضة : اي جمال " تبتسم "

فهد : ليش تقللين من نفسج ؟ انا اشوفج جممممميله . . مش كافي اني انا اشوفج جميله ؟

روضة تطالعه : تحب تجبر بخاطري ..

فهد عاقد حياته : اجبر بخاطرج ؟ حرام عليج ليش تقولين هالرمسه

روضة توخر ايده عنها وتتساند عدل . .

فهد : كلميني

روضة : انا اعرف اني مش شرات بنات هاليومين . .ماعرف اكشخ ولا اعرف البس عدل . .

فهد : ومن قالج اني انا ابا لبس بنات هاليومين ؟ انا احب الرزانه واحب لبسج الثقيل واحب ستايلج هذا

روضة : ستايل عيايز

فهد يبتسم : والله انه عايبني . . انا لوما احب اشوفج بالمخور جان قلتلج يا روضة بلاها هاللبس . . لبسي لي بناطلين لبسي لي جينزات . . انا ما بستحي منج بقولج عادي

روضة : مابتقول

فهد : هيه ما بقول لانج انتي عايبتني جيه

روضة تطالعه

فهد : يالمينونه انا اخترتج بنفسي . . انا الي اخترتج من شفتج . . بختار وحده ما تناسبني ؟ بختار وحده ما تعيبني . .

روضة : يمكن . . . " سكتت "

فهد : يمكن شو ؟

روضه : ماشي

فهد : كملي كلاااااامج . . يمكن شو

روضة تطالعه : خذتني عشان اربي بنتك . . شفتني اعرف اروض اليهال .

فهد انصصصصصصدم . .

روضة لاحظت ويهه الي تغير . .

فهد : لو اابا حد يربيها جان فريتها بيت اهلي .. ولا جان يبتلها بدال الشغاله عشششر . . حق شو اعور راسي بزوجه . . " عقد حياته " صعقتيني . .

روضة تطالعه : اسفه

فهد يطالعها بجديه : لا تتاسفين . . لان هالشي يدور في بالج اصلااا ما يباله اسف . . يباله انج تفهمين

روضة بنبره حنية : ماتعودت تكلمني بهالاسلوب . .

بطلت الباب ونزلت من السيارة . .

نزل فهد ع طول وراها وسار صوبها وقفها وجابلها . .

فهد : انا اخترتج انتي . . اخترتج بكل مافيج . . وعمري ما ندمت على اختياري حطي على كلامي هذا ألف خططططط . . عمري ما ندمت بالعكسسس افخر فيج كل يوم اكثر واكثر . . مافي اي شي يجبرني اتم معاج دقيقه وحده لو انا ما ابيج ولو انتي مش عايبتني . . " يبتسم " انتي نصيبي . . الله طرشلج لي تسعديني وتسعدين بنتي . . وانا في كل صلاه ادعي الله واشكره على هالهبه " يمسك خدها بحنان " الي مثلج نادر وانا جد سعيد لاني ارتبطت بوحده نادره مثلج . . دخيلج لو في بالج اي افكار سوده تعالي عندي انا وناقشيني انا وانا بوضحلج كل شي . . لكن . . . . لا تخلين بالج حزين ولا تحزنين روحج على افكار وهمية وغلط

روضة دمعت وابتسمت . . : انا احبك . .

فهد يبتسم بقلب : فديييييييتج . . " يحظنها " وانا احبببببج . . لا تخلين هالافكار الشيطانية تي في بالج مره ثانية مفهوم ؟

روضة تبتسم : مفهوم . . .

فهد يخوزها من حظنه : يالله خليني ندخل داخل . .

روضة : يالله . .

01-25-2012, 03:44 PM

البارت الـ 173

مهره وسيف وصلو المستشفى على اذان الظهر . .

مهره : وينها . . ؟ بعدها . ؟

محمد منزل راسه : بعدها . .

فهد : شحالج مهره . . شحالك سيف

سيف : الحمدلله بخير

مهره : تمام . .

فهد يقوم : يعله مديم . . يالله مهره هاي مهمتكم الحين ديرو بالكم ع حمود . . برؤح اشوف الصغاريه

سيف : توكل على الله . . ما قصرت

فهد يبتسم : ولو الواجب . . " سار صوب روضة "

روضة تمسك ايده : بتروح . .

فهد يبتسم : هيه حياتي ..

روضة تبتسم . .

فهد : دقيلي يوم بتربي انزين . .

روضة : ان شاء الله . .

فهد تقرب منها بيبوسها ع راسها بس هيه بعدته بسرعه

وام عبدالله شافت الموقف وابتسمت .. ودعتلهم في قلبها . .

فهد : بلاااج

روضة : لا تتخبل . . شوه فضيحه الكل يطالع

فهد يبتسم : انزين . . يالله مع السلامه

روضة تبتسم : مع السلامه . .

>

<

محمد : سيف لا تغلس علي اكثر ترى والله الي فيني كافني

سيف : ياخي منو قدك بتستوووووووي ابوووو . .

محمد بعصبيه : انا مابا استوووي ابووووووووووو .. مااااابا استوي ابو . . ابا عنود تطلع بالسلامه بسسسسسسسس . .

مهره : سيف خلاص . .

سيف قام عنه وسار صوب ام عبدالله وسلم عليها . .

مهره : وينه حمد ؟

محمد : مادريبه طلع . .

مهره استغربت . . كيف حمد يودره ويروح . .

سارت صوب عذاري . .

عذاري تكح وتعاطس . .

مهره : سلاماااات

عذاري تسلم عليها : الله يسلمج حبيبتي . .

مهره : عن تعاديني

عذاري: ان شاء الله اعاااديج ع الاقل يخوز عني " تكح "

مهره تحط ايدها ع بطنها : بسم الله علي . . تبين الي في بطن اختج تمرض

عذاري تطالع مهره : شووووو

مهره بصوت واطي : صخي محد يعرف للحين

عذاري تبتسم وشاقه الحلج : الف مبرووووووك حبيبتي . .

سلطان + منصور : السلام علييكم . .

الكل : وعليكم السلام . .

ام عبدالله كانت تصلي وتدعي ان الله يحمي شمل هالعايله . . لان الكل يوم يمر لازم يصد ويطالعهم ويطالع عددهم الكبير . .

منصور يتخاشم ويا سيف : شحالك . .

سيف : بخير ربي يعافيك . .

" يسلمون ع الكل "

سلطان يسير صوب عذاري : امشي معاي يالله . .

منصور : ويييين بتوديها

سلطان : قلتلك فالسياره انا ياي عشان اوديها عند الدكتور . .

منصور : لا اطولون هااه . .

سلطان : انت دور لك حد يردك لو بغيت . . لاني بوديها البيت عقب

منصور يطالعه بنص عين : نذل

حمد يييهم : السلام عليكم . .

الكل : وعليكم السلام

سلامه : السلام علييكم . .

الكل يطالع مصدر الصوت . .

بعضهم : وعليكم السلام . .

منصور يطالعها وارتجف . . يحاول يصد عنها ما يشوفها بس ماقدر . . يحس في شي يخليه يصد ويطالعهاااا . . تم يطالعها وعيونه امتزرن دمووع . . اما سلامه اطالعتته نظرة وحده ونزلت عينها . . اطالعت النظرة الحزينه . . نظرة الحسره . . نظرة الشوق . . نظره لها معاني وايده

طلع منصور على طوول . .

يايه عذاري تلحقه بس سلطان مسك ايدها . .

عذاري : خلننني . . بروحله

سلطان : بوديج عند الدكتورة اول

عذاري بنظرة عصبيه : ودرني اقوووووولك بلحق اخوي . .

سلطان ماسك ايدها بقوه : ما بتروحين اقولج . . خليه شوي يقعد مع نفسه

عذاري : انزين انت ما يخصكككككك ودر ايدي " تكح بقوة "

سلطان مسكها وسحبها معاه ووابتعدو عن قسم الولاده لين راحو القسم الثاني عشان يكشف عليها الدكتور

عذاري بعصبيه تهد ايده . .

سلطان : بلاااااااج . .

عذاري تصارخ : اسكت عني " تكح وتكح "

سلطان يجابلها ويرفع راسها ويخليها تطالعه عين بعين : لا تصارخين احنا في مكان عام . . " يبتسم ابتسامه غصب " سمعتي ؟

عذاري صدت عنه بقهر وماكلمته . . وانقهرت اكثر لانها قالتله لا تلبس كندوره بنية وهو لابس . .

>

<

سلامه استحت تسلم ع الكل . . شافت النيرس بتدخل غرفه العمليات وكلمتها ودخلوها على طول

سلامه تشوف عنود تتصارع مع الولاده وتصيييح . .

سلامه تمسك ايدها : عنووووووووود

عنود يوم شافت سلامه حست الروح ردتلها : سسسلامه . . لاتخلينننني . . " مسكت ايدها بقو " انا اموت عنود امووووت

سلامه تنزل دموعها : بسم الله عليج يالغاليه لا تقولين هالكلام . . كفايا علي الي فقدتهم مابا افقدج . . هوني ع روحج هوني شوي . . اتحممملي . .

عنود تعررق وبس تصارخ . .

سلامه : الكل يحاتيج برا . . الكل يتمنا يسمع صوت الياهل .. شدي حيلج شدي حييييلج

عنود : محمد . .. " تطالع سلامه " محمد وين

سلامه : محمد برا . . يقرا قران . .

عنود : اخاف اموت . ." تغمض عينها " اخاف اموووت

سلامه : ما بتموتين " تصيح : لاتقولين هالرمسه . .

عنود : انا اتألم سلامه اتألمممممممممم " تصارخ " بمووت من العوق

النيرس : يالله يا عنوووود يالله . .ادفعي . . " تطالع سلامه "بتعملي ايييه . . شجقعيييييها

سلامه تمسك ايد عنود : يالله عنود يالله . . " تمسح ع ويهها " يالله يا وخيتي . .يالله

عنود تصاااارخ باقوى ماعندها

>

<

محمد يقوم ويسير صوب الغرفه : بطلوووووووو البااااب بطلووووووو

حمد يمسكه : اهددددددى يا محمد اهددددددى

محمد يدقه بقو : ممممممما بهدا لين يفجون لي البااااااب . .

سيف يسير صوبه ويمسك جتفه : محمد خلااااااص

محمد عطا سيف بكس : وخرررررر عني . .

حمد يمسك ايده : محمممممد

محمد يعطي حمد بكس ثاني : وخر عني انت الثاني . .

مهره تسير صوبه بخوف : حمممممود اهدى . دخيلك " تمتزر عينها دموع " عنود تبي منك تدعيلها . . ما تبي الي تسووووويه

محمد يغمض عينه بقوه : بس مافيني طاقه . . بشوفهاااااااااا

مهره : بتشوفها ان شاء الله وبتشوف ولدك بس انت اصبر

محمد يجمع ايدينه ع ويهه ويعطيهم ظهره وتنزل دموعه . . مافيه صبر خلااااص . . ما يقدر يتريا . .

>

<

عذاري وسلطان طلعو من عند الدكتوره . . فيها حمى وزجام وكحه . . تحس بخمول وتعب فظيع وتحس انها معصبه

سلطان يمسك ايدها : تعالي غناتيه بوديج البيت

عذاري توخر ايدها بقوه . .

سلطان رد مسك ايدها أقوى عنها ووداها لين السياره . .

ساندلها السيت وخلاها اطيح ووصلها البيت . . طول الطريق ساكتين ما تكلمو . . لين وصل

بطللها الباب وساعدها تنش . .

عذاري بعيون يادوب تنفتح : خلاص رووح . . ادل الدرب

سلطان ماسكنها من خصرها بقوة ويمشيها : بوديج الغرفه وبسير

دخل داخل ووصعد فوق . . وماكان يدل غرفتها . . واشرتله . .

دخل وحطها ع السرير . . حاول يبطل عباتها بس ما رضت

سلطان : لا تعاانديني

عذاري : خلاص روح ببدل روحي

سلطان ما سوالها سالفه وبطل عباتها . . كانت مستحيه لانها لابسه قميص بدون اكمام . .

حطها ع السرير ولحفها على طول . .

سلطان : عندج جاكيت ؟

عذاري : مابا جاكيت

سلطان : خبريني وين مكانه

عذاري : مابا قلتلك . .

سلطان : الجو باارد ّ!!! ما بخليج تنامين وانتي لابسه جيه . . الا اذا بتخليني ابدل لج ثيابج

ماردت عليه

راح سلطان صوب الكبت وتم يدور وعذاري تشوفه وتتلحف اكثر وبتموت فشله

سلطان تم يدور ويدور وابتسم ..

شل الجاكيت الي حصله ورد سار صوبها لبسها اياه وهو مبتسم . . شافت ابتسامته وماتت حيا عرفت انه شاف شي مش هين خلاه يبتسم . .

عذاري : سخيف

سلطان : مقبوله منج . .

عقب ما لبسها الجاكيت رد لحفها عدل . .

سلطان يشوف اكياس وايده . .

سلطان : شو هالاغراض كلها . .

عذاري : امس شريتهم . . زهبتي

سلطان عاقد حياتها : انزين جيه فارتنهم كلهم جي . . حطيهم ع طرف !! جيه بتتخرطفين

عذاري : مابتخرطف عادي

سلطان : انا شو يضمني . .

قام سلطان وتم يشل اكياسها كلها ويحطهم على زاويه . .

سلطان : بل شو هالكثر .. ليش مش مرتبتنهم .. اقل شي حطيهم ع طرف

عذاري : ماكان عندي وقت . .

سلطان يطالعها : تبيني اوديهم الشقه

عذاري : لالالالا بروحي بوديهم عقب . .

شل سلطان اخر كيسين ممزورين وبدون قصد طاح واحد فيهم . .

عذاري قامت وقعدت ع السرير ع طول وتمت تشوف شو الي طاح وماااااااااااااااااااتت من الحيا . .

سلطان شل واحد من قمصان النوم الي لونه سحره . . ورفعه وتم يشوف ديزاينه ..

سلطان : واو . . طرررر

عذاري صرخت : اييييييييييييييييييييييييه .

سلطان يبتسم : شبلاج . .

حطاه فالكيس . .

سلطان : هاااه خشيناااه . . كلتينا . . " يبتسم " بس ذوقج طر

عذاري تلحفت وغطت راسها كله : حييييييييوووووووووووووووان . . روح خلاص رووووووح

سلطان سار صوبها وقعد ع السرير : شحقه اروح . . محد فالبيت " بنبره خبث " برووووحنا اهني

عذاري تفج اللحاف عنها : سسسسسلطان " فجت عينها ع وسعهن يوم شافته وايد قريب منها "

سلطان يرفع ايده : مابسويلج شي ..

عذاري تبتعد شوي . . : يالله روح خلاص

سلطان عاقد حياته : لا والله . . تخافين مني

عذاري : . .

سلطان يتقرب اكثر : تخافين

عذاري تبتعد : سلطاااااان عاد

سلطان عاقد حياته : تخافين يعني . .

عذاري تلحفت وغطت راسها كله باللحاف . .

سلطان : مابقولج شي لانج مريضه بس . .

عذاري : . .

سلطان : . .

عذاري تفج اللحاف : ع فكرة حلوة الكندورة . .

سلطان يبتسم : والله كناديري فالدوبي ماشفت جدامي الا هاي

عذاري صدت الصوب الثاني . . : خلاص روح خلني ارتاح . .

سلطان : بروح بييب لج غدا وبرجع

عذاري : شبعانه مابي اكل

سلطان : لا بتاكلين . . لازم تاخذين الدوا عسبت تطيبين . . مابطول . . " يتقرب مره وحده ويبوس خشمها وينش يروح "

01-25-2012, 03:46 PM

البارت الـ 174

سيف يمسك ايدها ويقعدها ع الكرسي : بسج ممن كثر ما انتي واقفه . .

مهره تطالعه : انا بخير

سيف يقعد حذالها ويحط ايده ع بطنها : والي داخل . .

مهره تبتسم : بخير بعد . .

سلامه تطلع ودموعها تنزل . .

محمد راح صوبها ومسكها من ايدها : شوو . .

سلامه : ربت . .

محمد : عنووود

سلامه : عنوود بخييير

مهره تقوم : نقدر نشوفها

سلامه : بعد شوي بيطلعونها بتقدرون تشوفونها " تمسح دموعها "

مهره عورها قلبها ع سلامه . . وسارت صوبها بتحظنها بس سيف مسكها

مهره تطالعه . .

سيف : ما تروحين . .

مهره :بس

سيف : ما بخليج تروحين

مهره : حرام شوفها كييف تصيح . .

سيف يوقف : مابتروحين " يبوس يبهتها " ما تستاهل انج تروحينلها . .

مهره : بس انا ابا اروح . . لاتمنعني . . خل قلبك ابيض وصافي . . والمسامح كريم . .

سيف: عقب كل الي سوته لج تقولين هالرمسه . .

مهره ابتسمت وخازت عنه وسارت صوب سلامه . .

ومحمد اختفى عن عيون الكل . .

سلامه كانت تطالع مهره وقلبها مفجوع . . اول ما شافت مهره تمشي صوبها ومبتسمه تجدمت وحظنت مهره . . وتمت تصييييييييح . .تصيح ع الحال الي هيه فيه . . ف الحال الي حطت نفسسسها فيه . . منبووووووووووذه من الكل . . مكروهة من الكل . . مفضووووحه من الكل . . تصيح على العذاب الي تعيشه . . على الشوق الي اشتاقته لهم ولطيبتهم ولوقفت الكل معاها قبل لا يصير الي صار

سلامه بصوت واطي : سامحيني . .

مهره : مسموووحه . . مسموحه .. بسج عاد لا تصيحين . . مبرووك صرتي خاله . .

ابتسم حمد ونزل راسه . .

طلعو عنود ووودوها غرفه ثانية . .

الكل عندها متجمع ومسوين حشره لين هزبتهم ام عبدالله عشان يروحون وترتاح عنود . .

سيف : بنمرج العصر عنود اوكي

عنود تهز راسها بـ أوكيه

مهره تبوس خدها : مبروك عليج الامومه . .

عنود تبتسم : عقبالج

مهره تهمس لها : انا حامل

عنود : احلفي

مهره تبتسم : والله . .

عنود : بالبركه حبيبتي . .

مهره : قصري صوتج بعدني ما خبرت امايا

عنود تبتسم : فديتج يا مهور . . ان شاء الله يوم تولدين ولادتج تكون اسهل عني

مهره : ان شاء الله . .

سيف : يالله حبيبي

مهره انحرررررررجت

وحمد وقف عقبها : يالله عنود تامرين ع شي

عنود : سلامتك فديتك . . بس ما شفت محمد ؟

حمد : لا ماشفته . . بس لانه وايد كانت نفسيته تعبانه ف اكيد راح يرخي عمره

عنود :ليش شصار

ام عبدالله : ماعليج من الي صار مافيه الا العافيه كان يحاتي بس

حمد : اكيد بيمرج عقب شوي . . " سار صوبها وباس راسها وحطالها ظرف صغير ع مخدتها " هذي هديه الغالي

ام عبدالله تبتسم : لازم سميّك

ابتسم حمد وراح . .

سلامه تبي تكلم ام عبدالله بس مستحيه من الي سوته فيها . . لكنها رصت ع روحها : عموه روحي ارتاحي انا بيلس وياها . .

مهره : هيه امايا قومي . . سلامه عندها . .ردي ويانا وعقب يوم بني بنيبج . .

ام عبدالله : لالالا انا ما بقوم من اهني

عنود : روحي خالوه ارتاحي . . " ابتسمت " روحي يا امايا فديتج انا برقد وكاهي اختي معايه ماعلي شر

ام عبدالله : لا ماقدر اخليج

سيف : يالله عموه نشي . . انا بييبج العصر . .

ام عبدالله :لالا انا بتريا لين العصر . .بي وياكم بس بصلي وبغير ثيابي وبييبلها غدا

عنود : محمد اهني امايا بييب لي اكل اكيد وفالمستشفى بييبولي بعد

سيف : يالله نشي عموه

ونشت عقب عناد طويل . . وطلعو . .

محمد واقف يطالع الياهل وسرحان فيه . . ماخلوه يشله اليوم . . قالوله باجر بتقدر تشله . .

شاف الوقت وحس انه تاخر عليها وايد . . كان يبي يروح بس ما يقدر .. يحس ريوله ماتشله .. مسك تلفونه واتصل فيها . .

تناهيد :نعم ؟ ليش متصل

محمد : بل شفيج

تناهيد : عيل هاي حركه تسويها . . حركه بايخه والله

محمد : هدي هدي .!!! انا ياني اتصال انه عنود بتربي ورحتلها المستشفى

تناهيد : هااااا . . وررررررررربت ؟؟

محمد : هيه

تناهيد : مبرؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤ ؤؤك

محمد يبتسم : الله يبارك فيج

تناهيد : شخبارها عنود

محمد : زينه الحمدلله

تناهيد : الحمممممممممدلله

محمد : بس للحين مارحت اشوفها .

تناهيد : لييييش

محمد : خايف

تناهيد : من شو

محمد : مادري

تناهيد : والله انت مكااااار .. روووووووح ياخي باركلها اكيد هي تترياك

محمد : لانها تترياني مش قادر اروحلها مش قادر اشوفها

تناهيد : لا والله

محمد : هيييييييي

تناهيد : اقولك لاتسوييييييلي فيها روووووح يالله

محمد : اقولج ماقدر

تناهيد : شو ماتقدرررررررررررر

محمد : احس في شي يمنعني . .

تناهيد : مكرك وعيارتك صح

محمد ابتسم

تناهيد : يالله يالله روح وباركلها

محمد : افف

تناهيد :يلا الحيييييييييييين

محمد : بلاج تصارخين بصمج كف . . خلاص بروح يلا فارجي

تناهيد : ههههههههههههههههه اوكي . . باي

محمد يبتسم :باي . .

قوا نفسسسسه ودخل عليها .. .

سلامه اول ما شافته طلعت

محمد : خلج

سلامه : بروح ادور ع مسيد بصلي وبريح اهناك شوي

وطلعت

محمد يتقرب وقعد ع السرير : الحمدلله ع السلامه

عنود بقلب مقبوض : الله يسلمك . .

محمد مرتبك . .

عنود مبتسمه : مبروك عليك حمد

محمد يبتسم : ومبروك عليج حمد

عنود بابتسامه خفيفه : استانست ؟

محمد : خفت اكثر من الوناسه

عنود : ليش

محمد : تميت احاتيج وايد . . خفت عليج خوف مش طبيعي

عنود تبتسم : منو قدي يوم عندي حد يخاف علي

محمد ابتسم وصار صوبها وتقرب منها اكثر وحب راسها وطول فالبوسه . .

من عقب ما باس راسها ارتبك اكثثثثثر . . بدون شعور باس خدها . . وعقبها! وقف ومشى بيطلع

عنود : وييين رايح

محمد :بروح الحمام وبرجع

عنود :بس اهني في حمام

ما سمعها لانه طلع قبل لا تكمل الجمله . .

محمد انصدم من نفسه وكان يالس ع الكرسي وماسك قلبه

>> ليش . . ليش قلبي ما دق من قربها . . ليش " يغمض عينه بقوه " ليش ماياني احساس الشوق واحساس الوله واحساس الحب . . ليش " يرص ع شفاته " ليش قلبي ما انفجررررت دقاته من حبي لها ومن قربها . . مستحيل مستحيل . . شلي صاار . .شصار فيني . . معقوووله . . معقوله ماعدت احببببببببها .!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!! معقوللللللللللللللللللللللللللللللللللللللللله . .

.

.

.

سلطان : بطلي حلجج . .

عذاري تاكل بتعب : بسني والله تعبت من الاكل

سلطان يعطيها : اخر لقمه يلا . .

عذاري كلت : بسس خلاص

سلطان : بالعافيه عليج . .

حطا السنوديجات ع طرف ويابلها الادوية وعطاها . .

سلطان : فيه الشفا حبيبي " ماحس بروحه يوم قالها "

عذاري بقفطه : اامين . .

سلطان ارتبك : آآ . . يالله عيل خلاص بروح انا . .

عذاري تطالعه : اوكي

سلطان : طمنيني عنج وخلي التلفون يمج يوم بدقلج ردي علي ع طول . . لاتخليني احاتيج . . ودامج خذتي الدوا ارقدي ريحي .

عذاري : ان شاء الله

سلطان : لو بغيتي اي شي دقيلي

عذاري : اوكي

سلطان تم يطالعها ويطالعها ويطالعها

عذاري صدت : ليش تطالعني . .

سلطان يرد يقعد ع السرير ومسك ايدها . .

عذاري : ليش تطالعني ؟

سلطان : احبج . . " باس اايدها " تشافي بسرعه

عذاري بلعت ريجها . .

سلطان يبتسم : ع فكره حلو البنفسجي وايد " قميص النوم الي شافه "

عذاري تشل المخده تفره عليه : يا حيووووووان

سلطان مسك المخده وابتسم : خلاص خلاص . . يالله بروح . .

عذاري تبتسم : انزين

سلطان : مع السلامه . .

عذاري : الله وياك

وطلع من حجرتها . . ومن حسن حظنه طلع قبل لا ترد ام عبدالله .

.

.

.

ام عبدالله : ما بتنزلووون ؟؟

سيف : لا عموه بنسير بيتنا . .

ام عبدالله : انزين انزلو كلو عقب روحو

سيف : عموه لاتحاتين بمر عليج العصر بوديج

ام عبدالله : لاا انا اصلا ماباك توديني بخلي بو عبدالله يييبني . . انت وايد تسرع

سيف : ههههههههههه قفعه يابتها فالويه

مهره تبتسم : امايا قبل لا تنزلين بقولج شي

ام عبدالله : خير امي قوولي

سيف : مهره حامل . .

ام عبدالله : صدددددددق ؟؟

مهره تضرب جتفه : ليش قللللللت . . انا كنت ابا اقول . .

ام عبدالله تبتسم وتهلل : بالبركه حبيبتي بالبررررركه . . تستاهلين . . اعفدي من السياره ببوسج

ضحكو ونزلت من السياره وتمت تبوسها وتحظنها . .

ام عبدالله : شوووف . . حافظ على الي ف بطنها . . مابا اسمع انك زعلتها

سيف ياشر ع عيونه الهنتين . .

ام عبدالله تبتسم : الله يخليكم لبعض والله لا فرقكم يارب

مهره : امييين

سيف : اميين

ام عبدالله : فضي روحج باجر بنروح نخطب حق ناصر . .ذبحني يبا هالحصه

سيف : آآآ باجر لا عموه

ام عبدالله : ليييش

سيف : بخبرج عقب

ام عبدالله : ماشي وقت الا باجر . . عقب بفضي روحي عقب عنود

سيف يطالع ام عبدالله بعيون ضيجه : عموه دخيلج . . شي وقت شي وقت . . بس باجر لا

ام عبدالله : ويدييييه باجر شو عندك

سيف : بخبرج عقب قلتلج

مهره مستغربه وتطالعه : بلاك شعندك باجر . .

سيف : شي بيني وبين عموه لا تدخلين . .

ام عبدالله : خلاص خلاص يصير خير . . انتي تحملي لسان اخوج بقوله هاي مهرو وريلها اخرو

سيف : ماعليه انا برمس ناصر . .

ام عبدالله : كيفك عاده . . يالله انا بدش داخل تعبت من الوقفه . . مابتون خلاص ؟

سيف : هيه عموه ما بني . .

ام عبدالله : برااايكم . .

وراحت عنهم . .

ركبو السياره . .

مهره تطالعه : شعندك باجر ؟

سيف : سر سرر

مهره : شوه هالسر خبرني

سيف يبتسم: لاتحنين ما بقول

مهره : حرام عليج انا حامل لاتلعوزني

سيف : يااااااااويل حااااااااااااااااااااااالي . .بتقصين علي بالحمال يعني

مهره تبتسم . . : خبرني عاد

سيف : بتعرفين باجر ان شاء الله . .

مهره بوزت

سيف : لو تبوزين لين عقب سنه ما بقولج

مهره : انزين ليش ما خليتنا ناكل بيت امي . . يوعانه

سيف بنبره حنان : ما تبين تاكلين معايه ؟

مهره تبتسم : باكل معاك اهناك

سيف : ابي اكل معاج روحنا . .

ماردت عليه . .

سيف بحنان :قربي . .

حطت مهره راسها ع جتفه وتم هو يسوق لين ماوصل المطعم . . ونزلو ياكلون . . وعقب الاكل راحو بيت سيف . .

مهره : البيت كان وايد حياه . . الحين بالمررره

سيف : مات البيت . .

مهره : هيه ماله حس مول

سيف : ابوي الي هو ابوي ما يقدر يدخله . .

مهره : ما ينلام . .

سيف : متخيله هالبيت كيف كان . . صراخ وحشره من كل صوب . .

مهره تجابله : قضاء وقدر حبيبي . .

سيف يطالعها : انتي احلى قدر اصلا . .

ابتسمت له . .

مهره : انزيين حبيبي اباك تقولي شي

سييف : انتي تامرين حبيبي . . شو تبين قولي

مهره : شو عندك باجر ؟؟

سيف : ههههههههههه يا عياره انتي . .

مهره : يالله عاد خبرني

سيف ياشر ع شفاته : بوسيني اول

مهره فاجه عينها : ياوقح

سيف : ليش وقح ؟ حرمتي حرام تبوسيني

مهره : قوووول لي لا تتفلسف وتغير السالفه

سيف : قلتلج اولا بوسيني . .

مهره تقربت منه وباسته

سيف يبتسم : مابقولج

مهره : ياحمااااارررررررر . .

سيف يشلها : استويلج حمار . .

ابتسمت . .

سيف : ولهتي اني اشلج صح . .

مهره تبتسم : صح . .

سيف : ادري اصلا باين من ويهج

مهره : خريطه مش ويه

سيف : لاااه . . تستخفين دمج . .صايره تيلسين ويا محمد وايد

مهره : ههههههههههه

سيف صعد فيها فوق لين الغرفه ونزلها . .

سيف : اباج ترقدين الحين تريحين . . لان عندي شغله ضروريه الحين لازم اخلصها

مهره : شو هالشغله

سيف : ماقدر اقولج الحين . . بقولج باجر

مهره مبوزه .

سيف يتقرب يبوس راسها : والله كل شي بتعرفين باجر . .

مهره : انزين . .

سيف : ارقدي انزين ؟

مهره : اخاف ارقد اهني روحي

سيف :ما بطول انا . .

مهره تطالعه . .

سيف : يالله حبيبي . .

وراح عنها . .

اما مهره تمت تحاول ترقد ما قدرت . . نشت رتبت الحجره ورتبت اغراضها . . وبدلت ملابسها لبست لها مخور بني مطرز بذهبي وخذت لها شيله ونزلت تحت . . سمعت اصوات وتمت زاييييييييغه

حمد من وراها : بسم الله منو انتي

مهره تصارخ

حمد : شوووووو فيج بسم الله . . انا حممممد حمد . .

مهره تحط اييدها ع قلبها : روووووووعتني

حمد : انتي بعد روعتيني . .

مهره تمت تطالعه بخوف . .

حمد : ههههههههههههههههه تضحكين . . من شو خايفه بسم الله عليج

مهره : خفت يني . .

حمد : لا ماشي ينانوه الحمدلله . .

مهره بلعت ريجها ومسكت بطنها . .

حمد استغرب من حركتها . .ليش مسكت بطنها . .

مهره : مادريت صح

حمد : عن شو

مهره : اني حامل

حمد تم يطالعها ما تحرك من مكانه . .

مهره : منو قدك . . صرت خال واحين بتسير عم . .

حمد اتصنع ابتسامه : يوصل بالسلامه ان شاء الله . . ديري بالج على روحج

"رن فونه "

حمد : هذا سيف متصل بي . .

مهره : توه طلع من اهني

حمد : الووو ؟

سيف : هلا حمود انت وين . .

حمد : فالبيت ليش

سيف : الحمدلله . . لاني مهور روحها وحظرتها جبانه ومن طلعت من البيت تميت اوسوس . . لاتظهر من البيت خلك لين ارد

استانس حمد من ثقه سيف فيه وابتسم : ان شاء الله الشيخ

سيف : انزين بقولك شي بس لا تفج حلجك بـ ولا كلمه . .!

حمد : شوو قول . .

سيف : ترى باجر********************************************** ****************************

حمد يبتسم : تمام . . حلوووو

سيف : لا تيب طاري

حمد : فالك طيب . .

سيف :فمان الله

حمد : فمان الكريم . .

مهره : بلاه

حمد : يحاتيج وقالي ما اطلع من البيت عسبت حظرتج تخافين . . " يبتسم "

مهره ابتسمت . .

حمد : روحي نامي اذا حابه . . انا بتم اهني ما بطلع من البيت " فخاطره يقول : كيف اطلع من البيت وانتي فيه بس "

مهره : حاولت انام ماشي فايده . . ومليت من يلست الحجره قلت بنزل

حمد : شرايج نشوف فلم . .

مهره : حللللو ..

حمد : يالله دقايق ببدل بس وبيب الدي في دي . . عندي فلم طرر . .

مهره تبتسم : اوكي . . وانا بسير اسوي فششار عيل وبشوف لو شي عصاير ولا حلويات . .

حمد ابتسم : اوكي

راح حمد حجرته وراحت مهره المطبخ وعقب ما خلصت كل شي اتصلت في سيف . .

سيف : هلا حبيبي . .

مهره : مممممم . .

سيف : شو ؟ فيج شي ؟ يعورج شي ؟؟؟

مهره : لاء بس . .

سيف : شوووو خوفتيني

مهره : بشوف فلم ويا حمد فالصاله تحت . . اوكي

سيف ابتسم : اوكي حبيبي . .

مهره : .......

سيف : لاتخافين مافي شي في بالي ابدا والله . . وانا واثق فيكم ثقه عميا . .

مهره : صدق

سيف : صدق حبيبي . .

مهره ابتسمت : خلاص اوكي

سيف : يالله فديتج . . تبين شي ؟

مهره : لاء . . تحمل ع روحك . .

سيف : من عيوني يا عيوني

مهره ابتسمت : مع السلامه

سيف : مهووور

مهره : لبيه

سيف : اموت فيج . .

مهره شعر ينبها وقف : وانا اموت فيك . .

سيف : لا تخليني . . انا مالي غنا عنج والله

مهره : مايفرقنا الا الموت . .

سيف : بعد عمرن طويل

مهره تبتسم : . .

سيف : يالله فديتج فمان الله

مهره : فمان الكريم . .

اول ما صدت شافت حمد وراها . .

مهره تطالعه وتطالع ملامحه . .

حمد يحاول يتصنع اللا مباالاه . . يحاول يتصنع انه عادي . . بس مش على مهره . .

سار حمد صوب الدي في دي وتم يعابل فالفيديو لين اشتغل . .

حمد يبتسم : هااا مستعده ؟ اششغل . .

مهره : شششششغل . .


MoooN	رجيتك لاتفارقني	عروس حست بقرب اجلها ولما قالت لزوجها شوفو ايش قال لها!!	حلا الكون

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم

الذين يشاهدون محتوى الموضوع الآن : 1 ( الأعضاء 0 والزوار 1)

رواية وطتّ رجليّ علىً دربه و لآآإ آإدريّ وشّ نؤوى فيني .!

::القصص والروايات::